पुणे : कुख्यात गुंड शरद मोहोळ हत्येचं सीसीटीव्ही फुटेज समोर आलं आहे. पुण्यातील कोथरूड परिसरातील सुतारदरा येथे शरद मोहोळ याची गोळ्या घालून
निर्घुण हत्या करण्यात आली. या हत्येची धक्कादायक घटना सीसीटीव्हीमध्ये चित्रित झाल आहे. या संपूर्ण घटनेचा व्हिडीओ आता समोर आला आहे. ५ जानेवारीला शरद मोहोळ याच्या लग्नाचा वाढदिवस होता. मोहोळने त्याच्या पत्नीसोबत वाढदिवस साजरा केला
लग्नाच्या वाढदिवसाच्या दिवशी त्याची भरदिवसा गोळ्या झाडून हत्या करण्यात आली. या घटनेने शहरात मोठी खळबळ उडाली होती. शरद मोहोळ खून प्रकरणांच सीसीटीव्ही फुटेज समोर आलं आहे. यामध्ये असं दिसत आहे की, शरद मोहोळ याच्यासाबोत सावलीप्रमाणे चालणाऱ्या त्याच्या साथीदारांनीच त्याच्यावर पिस्तुलातून तीन गोळ्या झाडून त्याची हत्या केली.
नेमकं काय घडलं?
कुख्यात गुंड शरद मोहोळ दुपारी एक वाजण्याच्या सुमारास सुतारदरा येथील त्याच्या घराबाहेर पडले तेव्हा, त्याचे तीनही साथीदार बॉडीगार्ड म्हणून त्याच्यासोबतच होते. पण हे साथीदार आपला घात करतील अशी कल्पनाही शरद मोहोळला नव्हती. घराबाहेर पडल्यानंतर काही अंतर चालल्यावर याच त्याच्या साथीदारांनी त्याच्यावर जीवघेणा हल्ला चढवला.
दरम्यान, आरोपींनी शरद मोहोळवर बेछुट गोळीबार केला. शरद मोहोळला एक गोळी छातीत, एक गोळी डोक्यात तर दोन गोळ्या मानेला लागल्या. यामुळे शरद मोहोळ रक्ताच्या थारोळ्यात जमिनीवर पडला. या घटनेनंतर या आरोपींनी घटनास्थळावरून पळ काढला.
