पुणे : पुण्यातील कॅम्प कॉलेज समोरील बाबाजान दर्गा चौकात शाळा सुटल्यानंतर पायी घरी जाणाऱ्या अल्पवयीन मुलीचा भररस्त्यात हात पकडून विनयभंग ( केल्याचा धक्कादायक प्रकार उघडकीस आला आहे. हा प्रकार मंगळवारी २० फेब्रुवारी रोजी दुपारी तीन वाजण्याच्या सुमारास घडला आहे. याप्रकरणी एका तरुणावर लष्कर पोलिसांनी विनयभंग व पोक्सो कायद्यांतर्गत गुन्हा दाखल केला आहे. याबाबत पीडित १४ वर्षीय मुलीने लष्कर पोलीस ठाण्यात फिर्याद दिली आहे.
याबबत अधिक माहिती अशी की, पीडित मुलगी शाळा सुटल्यानंतर कॅम्प कॉलेज समोरील बाबाजान दर्गा चौकातून पायी घरी जात होती. त्यावेळी आरोपी चौकात थांबला होता. त्याने मुलीकडे पाहून शिट्टी मारली आणि तिचा हात पकडून मोबाईल नंबर मागितला. आरोपीने स्त्री मनास लज्जा उत्पन्न होईल असे वर्तन करुन मुलीचा विनयभंग केल्याच तक्रारीत म्हटलं आहे. पुढील तपास पोलीस करत आहेत.
