Khed News : खेड : हॉटेल व्यावसायिकाला जबर मारहाण करून त्याच्या गळयातील पंधरा तोळे सोन्याची साखळी जबरदस्तीने चोरून नेल्याची धक्कादायक घटना बहुळ (ता. खेड) हद्दीत घडली होती. चाकण पोलिसांनी सदर गुन्ह्याचा छडा लावून अवघ्या १२ तासाच्या आत तीन अट्टल चोरट्यांना अटक केली आहे. चोरांकडून सोनसाखळीसह ३ लाख ७० हजारांचा मुद्देमाल जप्त केला आहे.
आरोपींना ५ सप्टेंबर पर्यंत पोलीस कोठडी
श्रीराम संतोष होले (वय २५, रा. होलेवाडी ता. खेड), प्रतिक उर्फ बंटी दत्तात्रय टाकळकर (वय २१, रा. टाकळकरवाडी ता. खेड) व बबलु रमेश टोपे (वय २३, रा. वाकी बु ता. खेड) अशी अटक केलेल्या आरोपींची नावे आहेत. (Khed News ) याप्रकरणी सतीश कुंडलीक गव्हाणे (वय ५७, रा. पाटीलवाडी, कोरेगाव भिमा ता. शिरूर) यांनी चाकण पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, बहुळ गावच्या हददीत चाकण – शिकापुर रोडलगत हॉटेल एस. के. येथे तीन अनोळखी चोरटयांनी मोटार सायकलवर येऊन फिर्यादी व साक्षीदार यांना लाकडी दांडके व पीव्हीसी पाईपने मारहाण केली.
त्यानंतर चोरट्यांनी फिर्यादी गव्हाणे यांच्या गळ्यातील पंधरा तोळे वजनाची सोन्याची साखळी जबरीने हिसकावून चोरटे दुचाकीवरून पळून गेले. (Khed News ) याप्रकरणी सतीश गव्हाणे यांनी पोलीस ठाण्यात फिर्याद दिली होती. त्यानुसार चाकण पोलीस ठाण्यात चोरट्यांच्या विरोधात गुन्हा दाखल करण्यात आला होता.
दरम्यान, गुन्हा दाखल होताच, पोलिसांनी ठिकठिकाणी सापळा लावून तिघांना ताब्यात घेतले. त्यांच्याकडे अधिक चौकशी केली असता, आरोपींनी वरील गुन्ह्याची कबुली पोलिसांना दिली आहे. चोरट्यांकडून आरोपींकडून सोन्याची साखळी व गुन्हा करण्यासाठी वापरलेली दुचाकी असा तीन लाख सत्तर हजारांचा मुद्देमाल जप्त करण्यात आला आहे. (Khed News ) आरोपींना न्यायालयात हजर केले असता, न्यायालयाने आरोपींना ५ सप्टेंबर पर्यंत पोलीस कोठडीत रिमांड दिली आहे.
अधिक बातम्या वाचण्यासाठी येथे क्लिक करा :
Khed News : धक्कादायक..! खेड तालुक्यातील मरकळ परिसरात एक दिवसाचे जिवंत अर्भक सापडले..
