इंदापूर(पुणे): इंदापूर येथून एक मोठी बातमी समोर आली आहे. शहाजीनगर(ता.इंदापूर) येथील निरा -भीमा सहकारी सहकारी साखर कारखान्याच्या पंचवार्षिक निवडणुकीत आज उमेदवारी अर्ज मागे घेण्याचा अखेरचा दिवस होता. मुदती अखेर संचालकाच्या एकवीस जागांसाठी फक्त एकवीसच उमेदवारी अर्ज आल्याने या कारखान्याच्या संचालक मंडळाची पंचवार्षिक निवडणुक बिनविरोध झाली आहे. या बिनविरोधी निवडीमुळे कारखान्याचे संस्थापक व राष्ट्रीय सहकारी साखर कारखाना महासंघाचे अध्यक्ष हर्षवर्धन पाटील यांचे वर्चस्व कायम राहिले आहे.
माजी मंत्री हर्षवर्धन पाटील यांनी सन 1999 मध्ये नीरा-भीमा सहकारी साखर कारखान्याची स्थापना केली. त्यानंतर कारखान्याच्या स्थापनेपासून आतापर्यंत पंचवीस वर्षात सलग पाच निवडणुका बिनविरोध झाल्या आहेत. यावेळी कारखाना कार्यक्षेत्रातील 46 गावांमधील सभासदांनी व कार्यकर्ते, पदाधिकाऱ्यांनी निवडणूक बिनविरोध होण्यासाठी सहकार्याची भूमिका घेतली, त्याबद्दल हर्षवर्धन पाटील यांनी आभार व्यक्त केले.
या निवडणुकीतील बिनविरोध उमेदवारांची नावे:
बावडा गट: पाटील हर्षवर्धन शहाजीराव, पाटील प्रतापराव सर्जेराव, पाटील उमेश अच्युतराव
पिंपरी गट: मोहिते प्रकाश शहाजी, बोडके संजय तुळशीराम, विजय दत्तात्रय घोगरे.
काटी गट :पवार लालासो देविदास, जाधव राजकुमार वसंतराव, वाघमोडे विलास रामचंद्र
रेडणी गट:बोंद्रे आनंदराव नामदेव, देवकर राजेंद्र व्यंकट, सवासे दत्तू यशवंत
सुरवड गट: शिर्के महेशकुमार दत्तात्रय, घोगरे दादासो उत्तम, गायकवाड सुभाष किसन
अनुसूचित जाती किंवा जमाती प्रवर्ग: कांबळे राहुल अरुण
इतर मागास प्रवर्ग: यादव कृष्णाजी दशरथ
भटक्या विमुक्त जाती व जमाती विशेष मागास प्रवर्ग: नाईक रामचंद्र नामदेव
ब वर्ग सभासद प्रवर्ग: पाटील भाग्यश्री हर्षवर्धन
महिला राखीव प्रवर्ग: शिंदे कल्पना निवृत्ती,पोळ संगिता दत्तात्रय
या निवडणुकीसाठी निवडणूक निर्णय अधिकारी म्हणून उपजिल्हाधिकारी कल्याण पांढरे व इंदापूरचे तहसीलदार जीवन बनसोडे यांनी काम पहिले.
