लोणी काळभोर, (पुणे) : पुणे – सोलापूर महामार्गावर हडपसर ते लोणी काळभोर पर्यत वाहनांच्या मोठ्या प्रमाणात रांगा लागल्या आहेत. पोलीस रस्त्यावर नसल्याने वाह्नचालकांचे मोठे हाल सुरु आहेत.
लोणी काळभोर टोलनाका व १५ नंबर पर्यत पुणे – सोलापूर महामार्गाच्या बाजूला असलेल्या मंगल कार्यालयातील लग्नसराईमुळे हि वाहतूक कोंडी झाली आहे. या ठिकाणी शेकडो चारचाकी वाहने, बस व दुचाकी रस्त्यावर थांबल्याने अगोदरच अरुंद असलेल्या महामार्गावार मोठी वाहतूक कोंडी झाली आहे.
दरम्यान, चौकात एकही वाहतूक पोलिस कर्मचारी वाहतूक सुरळीत करण्यासाठी नसल्याने हि वाहतूक कोंडी झाली आहे. त्यामुळे चारचाकी व अवजड वाहनातील चालक हे हतबल झाल्याचे दिसून येत आहे.
