यवत : यवत व यवत परिसरातील अनेक तरुणांना साईभक्तीचा मार्ग दाखवणारे ज्येष्ठ साईभक्त बापू (तात्या) अनंता जाधव यांचे अल्पशा आजाराने निधन झाले.
कै. बापू जाधव यांनी श्री साईबाबा पालखी सोहळा समिती पुणे या पायी सोहळ्यासाठी तन, मन, धन सर्व अर्पण करून गेल्या ३० वर्षांपेक्षा अधिक वेळा पायी वारी करून सेवा केली. तर अनेक वर्षांपासून यवत येथील ग्रामदैवत श्री काळभैरवनाथ मंदिर येथे नित्यसेवा करत असत.
यवत येथील एक विनम्र व्यक्तिमत्व हरपले असून, त्यांच्या पश्चात दोन मुले, मुलगी, सून, जावई, नातवंड असा परिवार असून, कै. बापू जाधव यांच्या पार्थिवावर रात्री साडेदहा वाजता यवत येथील वैकुंठ स्मशानभूमी येथे अंत्यसंस्कार केले जाणार आहेत.
