पुणे : पुण्यातील मध्यवर्ती भागातील पार्वती विभागातून एक धक्कादायक घटना समोर येत आहे. दोन लहान मुलांच्या आईने स्वतःचे जीवन संपवले आहे. दोन तान्ह्या मुलांना सोडून टोकाचं पाऊल उचल्याने परिसरात खळबळ उडाली आहे. अनेकजण पतीकडून छळ होत असल्याने महिलेने जीवन संपवले असेल असा तर्क लावत आहेत. पण हे प्रकरण दिसत आहे त्याच्यापेक्षा खूप वेगळं आहे. नेमकं काय घडलं? महिलेने इतक्या टोकाचं पाऊल का उचलल? जाणून घेऊया सविस्तर…
आत्महत्या करणाऱ्या महिलेचं नाव दीपाली जाधव असं आहे. दीपाली पुण्यातील सिंहगड रस्त्यावरील अण्णा भाऊ साठे वसाहत परिसरात राहत होती. दीपाली फक्त २९ वर्षाचीच होती. दीपाली दोन मुलांसह नवऱ्यापासून वेगळी राहत होती. काही वर्षपूर्वीच तीच लग्न झाल होत. मात्र, नवऱ्याला दारूचं व्यसन असल्याने तिने तिच्या नवऱ्याला सोडले होते. व ती आपल्या दोन मुलांसह माहेरी राहत होती. माहेरी आल्यानंतर पाच महिन्यांनी तिची ओळख तुषार दादा कांबळे या तरुणाशी झाली व दोघांमध्ये प्रेमसंबंध निर्माण झाले. जो तिच्यापेक्षा १० वर्षांनी लहान होता. तुषार हा फक्त १९ वर्षांचा होता. दिपालीने पुढे जाऊन तुषारकडे लग्नाची मागणी केली. पण तुषारने तिच्याशी लग्न करण्यास नकार दिला. यानंतर तणावात तिने तुषारला फोन करत तू लग्न करणार नाही तर मी मरेन अशी धमकी दिली. त्यानंतरही तुषारने तिला लग्नास नकार दिला. प्रेमात मिळालेल्या या नैराश्येतून दिपालीने स्वतःचे जीवन संपवण्याचे ठरवले आणि आपल्या दोन लहान लेकरांना वाऱ्यावर सोडत गळफास घेत आत्महत्या केली.
दरम्यान, या प्रकरणी आता पर्वती पोलीस ठाण्यात तुषार दादा कांबळे आणि प्रवीण रामचंद्र चोपडे (रा. खंडोबाचा माळ, आकुर्डी, पिंपरी-चिंचवड) या आरोपींविरोधात गुन्हा दाखल करण्यात आला आहे. याबाबत दीपालीचा भाऊ अभिजित सुधाकर भोसले (२३, रा. शाहूनगर, श्रीपुर, ता. माळशिरस, जि. सोलापूर) यांनी पर्वती पोलिस ठाण्यात फिर्याद दिली आहे. याप्रकरणाचा पुढील तपास आता पोलीस करत आहेत.
