Daund News : यवत, (पुणे) : दौंड शहर व ग्रामीण भागात सुरू असलेली कामे, नगरपालिका अंतर्गत येणाऱ्या पाणी पुरवठा योजना, जलनिस्सारण योजना व अंर्तगत रस्त्यांच्या साठीचा एकत्रित आराखडा, राज्य राखीव पोलीस बल गट क्र ५ व ७ तसेच पोलीस प्रशिक्षण केंद्रासाठी आवश्यक असलेल्या सर्व सुविधांचा आरखडा तयार करून तो मंजुरीसाठी राज्य शासनाकडे पाठविण्याच्या सूचना करण्यात आल्या. Daund News
दौंडचे आमदार राहुल कुल यांनी सर्व शासकीय विभागांच्या अधिकाऱ्यांची आढावा बैठक घेण्यात आली. यावेळी सर्व कामे वेळेत पूर्ण करण्याचे निर्देश उपस्थित अधिकाऱ्यांना दिले. Daund News
यावेळी तालुका क्रीडा संकुलासाठी मंजूर करण्यात आलेल्या निधीची कामे तातडीने पूर्ण करावीत, तालुक्यातील ६ ठिकाणी उपक्रीडा संकुलांसाठी आवश्यक जागेचा प्रस्ताव सादर करण्यात यावा. याबरोबरच तालुक्यातील प्रस्तावित, मंजूर व प्रगतीपथावर असलेल्या कामांची समीक्षा करण्यात आली. Daund News
यावेळी उपविभागीय अधिकारी रेवणनाथ लबडे, तहसीलदार अरुण शेलार, गटविकास अधिकारी अरुण मरभळ, उपविभागीय पोलीस अधिकारी बापूराव दडस, दौंडचे पोलीस निरीक्षक गोपाळ पवार, यवतचे पोलीस निरीक्षक नारायण देशमुख, मुख्याधिकारी अवधुत तावडे, महावितरणचे कार्यकारी अभियंता विकास आल्हाट, सार्वजनिक बांधकाम विभागाचे उपअभियंता मयूर सोनवणे, मुख्यमंत्री ग्रामसडक योजना उपअभियंता चेतन शिंदे, जिल्हा परिषद बांधकाम विभाग उपअभियंता राऊत, जीवन प्राधिकरण पुणेचे अधिकारी तसेच तालुक्यातील अनेक विभागांचे अधिकारी उपस्थित होते. Daund News
