Bhor minor rape case : भोर (पुणे) : पुणे जिल्ह्यातील भोर तालुक्यात घडलेल्या अल्पवयीन मुलीवरील अत्याचार आणि निर्घृण हत्येच्या घटनेने संपूर्ण परिसर हादरला आहे. नसरापूर परिसरात चार वर्षांच्या बालिकेवर अत्याचार करून तिचा मृतदेह शेणाच्या ढिगाऱ्याखाली पुरल्याचा प्रकार उघडकीस आल्यानंतर नागरिकांमध्ये तीव्र संताप व्यक्त होत आहे. या प्रकरणी ६५ वर्षीय संशयित आरोपीला पोलिसांनी अटक केली आहे. Bhor minor rape case
या घटनेच्या निषेधार्थ स्थानिक नागरिकांनी पुणे–सातारा महामार्गावर रास्ता रोको आंदोलन केले, तसेच राजगड पोलीस ठाण्यात धाव घेत आरोपीवर कठोर कारवाईची मागणी केली. आजही परिसरात मोठ्या प्रमाणात आंदोलन सुरू असून, आरोपीला तात्काळ कठोर शिक्षा देण्याची मागणी जोर धरत आहे. Bhor minor rape case
दरम्यान, या प्रकरणावर राज्याचे मुख्यमंत्री तथा गृहमंत्री देवेंद्र फडणवीस यांनी पहिली प्रतिक्रिया दिली. ‘महालक्ष्मी सरस’ प्रदर्शनाच्या उद्घाटनावेळी बोलताना त्यांनी सांगितले की, ही घटना अत्यंत निंदनीय आणि धक्कादायक आहे. आरोपीला अटक करण्यात आली असून त्याचे जुने गुन्हेगारी संदर्भही तपासात समोर येत आहेत. Bhor minor rape case
फडणवीस यांनी पुढे सांगितले की, हे प्रकरण फास्ट ट्रॅक कोर्टात चालवले जाईल. आवश्यक असल्यास विशेष फास्ट ट्रॅक कोर्ट स्थापन करण्यासाठी उच्च न्यायालयाकडे विनंती केली जाईल. तसेच, विशेष सरकारी वकील नेमून आरोपीसाठी मृत्यूदंडाची शिक्षा मागितली जाईल, असेही त्यांनी स्पष्ट केले. Bhor minor rape case
दरम्यान, या घटनेवरून विरोधकांनी राज्यातील कायदा-सुव्यवस्थेवर प्रश्न उपस्थित केले आहेत. यावर प्रतिक्रिया देताना फडणवीस म्हणाले की, अशा संवेदनशील प्रकरणात राजकारण करणे अत्यंत चुकीचे असून सरकारकडून आवश्यक ती सर्व कठोर पावले उचलली जातील. Bhor minor rape case
