Big Breaking News मुंबई : महाराष्ट्राच्या राजकारणात मोठा राजकीय भूकंप होणार आहे. राष्ट्रवादी काँग्रेस, शिवसेना आणि भाजपच्या युतीत सामील झाले आहेत. (Big Breaking News) अजित पवार शिंदे सरकारमध्ये उपमुख्यमंत्रीपदाची शपथ घेण्याची शक्यता वर्तवली जात आहे. राष्ट्रवादीचे नऊ आमदार मंत्रिपदाची शपथ घेणार आहेत. राजभवनामध्ये शपथविधीची जोरदार तयारी सुरू करण्यात आली आहे. राष्ट्रवादीच्या ५४ पैकी ३० आमदारांचा सरकारला पाठिंबा आहे. (Big Breaking News)
अजित पवार राजभवनावर दाखल झाले आहेत. त्यांच्यापाठोपाठ मुख्यमंत्री एकनाथ शिंदे आणि उपमुख्यमंत्री देवेंद्र फडणवीस हे सुद्धा राजभवनाकडे निघाले आहेत. सोबत उदय सामंत, दीपक केसरकर, शंभूराज देसाई हे देखील आहेत. आज दुपारी दोन वाजता मंत्रिमंडळाचा विस्तार होणार असून, त्यात उपमुख्यमंत्री म्हणून अजित पवार यांचा शपथविधी होण्याची शक्यता व्यक्त करण्यात येत आहे. विरोधी पक्षनेते अजित पवार यांच्याबरोबर राष्ट्रवादी काँग्रेसचे छगन भुजबळ आणि इतर आमदारही मंत्रिपदाची शपथ घेण्याची शक्यता आहे.
दरम्यान, अजित पवार यांनी बोलावलेल्या बैठकीला राष्ट्रवादी काँग्रेसचे आमदारही मोठ्या संख्येने उपस्थित होते. या बैठकीला दिलीप वळसे पाटील, हसन मुश्रीफ, छगन भुजबळ, किरण लहमाटे, नीलेश लंके, धनंजय मुंडे, रामराजे निंबाळकर, दौलत दरोडा, मकरंद पाटील अतुल बेनके, सुनील टिंगरे, अमोल मिटकरी, अदिती तटकरे, शेखर निकम, निलय नाईक, अशोक पवार, अनिल पाटील, सरोज अहिरे आदी उपस्थित होते.
