West Bengal Crime: पश्चिम बंगालमधील दुर्गापूर शहरात धक्कादायक घटना घडली आहे. येथील एका खाजगी वैद्यकीय महाविद्यालयाच्या विद्यार्थिनीवर सामूहिक बलात्कार (Medical college student gang-raped) केल्याची घटना घडली. या प्रकरणात पोलिसांनी तातडीने कारवाई करत तीन आरोपींना अटक केली आहे. या घटनेने राज्यात संतापाची लाट उसळली असून, राजकीय वर्तुळातही आरोप-प्रत्यारोप सुरू झाले आहेत.
समोर आलेल्या माहितीनुसार, ही घटना पश्चिम वर्धमान जिल्ह्यातील दुर्गापूर येथील असून, पीडिता मूळची ओडिशाची रहिवासी आहे. ती वैद्यकीय महाविद्यालयाच्या दुसऱ्या वर्षात शिकत आहे. बलात्काराच्या आरोपांनंतर पोलिसांनी रात्रीतून मोबाईल नेटवर्क ट्रॅकिंगच्या आधारे तीन संशयितांना अटक केली.
पोलिसांनी यासंदर्भात निवेदन जारी करत सांगितले की, आरोपींची चौकशी सुरू आहे आणि इतर संभाव्य आरोपींचा शोध घेतला जात आहे. याशिवाय, वैद्यकीय महाविद्यालयातील काही कर्मचारी आणि पीडितेच्या सहकाऱ्यांनाही चौकशीसाठी ताब्यात घेण्यात आले आहे. पोलीस अधिक तपास करीत आहेत.
राजकीय पडसाद: सुवेंदू अधिकारींचा सरकारवर आरोप
दुर्गापूर घटनेनंतर राज्यातील विरोधी पक्षनेते सुवेंदू अधिकारी यांनी ममता बॅनर्जी सरकारवर जोरदार टीका केली आहे. “बंगालमध्ये महिला सुरक्षित नाहीत,” असे म्हणत त्यांनी राज्य सरकारला घेरले. तसेच वाढत्या गुन्ह्यांकडे लक्ष वेधले.
हेही वाचा: Crime News : प्रेमातून सूडापर्यंत! प्रियकराचे गर्लफ्रेंडवर १८ वार ; त्यापूर्वी दुसरीसोबत ठेवले संबंध
