पुणे: एका बाजूला आपण महिला सक्षमीकरणाच्या (Viral) गप्पा मारतो, तर दुसऱ्या बाजूला आजही एका तरुण मुलीला स्वतःच्या मर्जीने जगण्यासाठी चक्क टक्कल करावं लागलं. सध्या सोशल मीडियावर काजल नावाच्या एका तरुणीचा व्हिडिओ तुफान व्हायरल होत आहे. लग्नासाठी घरच्यांनी आणि समाजाने लावलेल्या सततच्या तगाद्याला कंटाळून थेट टक्कल करण्याचा निर्णय घेतला. तिने उचललेले हे पाऊल केवळ बंडखोरी नसून, पितृसत्ताक मानसिकतेच्या तोंडावर मारलेली एक चपराक आहे.
काजल म्हणाली, “मला माझे लांब केस खूप प्रिय होते, पण हा समाज आणि नातेवाईक मला शांतपणे जगू देईनात,” अशा शब्दांत तिने आपल्या मनातील खदखद व्यक्त केली. आपल्या समाजात मुलीचे सौंदर्य हे तिच्या लग्नासाठीचे सर्वात मोठे ‘पात्रता प्रमाणपत्र’ मानले जाते. काजलने नेमक्या याच सौंदर्याच्या निकषावर घाला घातला.
पाहा व्हिडीओ:
View this post on Instagram
आजही अनेक घरांमध्ये मुलींच्या शिक्षणापेक्षा किंवा त्यांच्या करिअरपेक्षा त्यांच्या लग्नाची चिंता अधिक केली जाते. ‘वय होत चालले आहे’, ‘लोक काय म्हणतील’ या भीतीपोटी मुलींच्या इच्छांचा बळी दिला जातो. काजलच्या या धाडसाचे नेटकऱ्यांकडून कौतुक होत असले तरी, एका तरुणीला आपले स्वातंत्र्य सिद्ध करण्यासाठी टक्कल करावं लागलं, हे धक्कादायक वास्तव आहे.
