मुंबई: मागील काही दिवसांपासून सोन्या-चांदीच्या किमतीत घसरण होत होती. मात्र, गुरुवारी दरात वाढ नोंदवण्यात आली. आंतरराष्ट्रीय बाजारातील घडामोडी, अमेरिकेच्या मध्यवर्ती बँकेचा व्याजदरांबाबतचा निर्णय आणि पश्चिम आशियातील तणाव यांचा परिणाम या दरवाढीवर झाल्याचे मानले जात आहे.
सोन्याच्या वायदा दरात 0.55 टक्क्यांची वाढ होऊन तो 4,073.70 डॉलर प्रति औंस झाला. त्याचवेळी चांदीचा वायदा दर 0.99 टक्क्यांनी वाढून 54.195 डॉलर प्रति औंसवर पोहोचला.
भारतीय बाजारातही सोन्याच्या किमतीत काही प्रमाणात वाढ झाली. 24 कॅरेट सोन्याचा दर प्रति 10 ग्रॅम 1,44,110 रुपये नोंदवण्यात आला. 22 कॅरेट सोन्याच्या दरात 10 रुपयांची वाढ होऊन तो 1,32,100 रुपये प्रति 10 ग्रॅम झाला. तर 18 कॅरेट सोन्याचा भाव 1,08,080 रुपये असून, त्यात मागील दिवसाच्या तुलनेत बदल झाला नाही.
29 ऑक्टोबर रोजी भारतात चांदीचा भाव प्रति किलोग्रॅम 2,19,900 ते 2,20,000 रुपयांच्या आसपास आहे. दिल्ली, मुंबई आणि कोलकाता येथे चांदीचा दर 2,20,000 रुपये प्रति किलो नोंदवण्यात आला. चेन्नईमध्ये हा भाव तुलनेने अधिक म्हणजे 2,24,900 रुपये प्रति किलो आहे.
सोन्या-चांदीच्या दरांवर जागतिक आर्थिक परिस्थिती, व्याजदर आणि भू-राजकीय घडामोडींचा परिणाम होत असतो. त्यामुळे आगामी काळातही किमतींमध्ये चढ-उतार होण्याची शक्यता आहे. खरेदी करण्यापूर्वी ग्राहकांनी स्थानिक सराफाकडील ताजे दर तपासावेत.
