जयपूर: राजस्थान विधानसभा निवडणुकीसाठी काँग्रेस पक्षाने उमेदवारांची पहिली यादी जाहीर केली आहे. या यादीत ३३ उमेदवार आहेत. राजस्थानचे मुख्यमंत्री अशोक गेहलोत सरदारपुरा येथून निवडणूक लढवणार आहेत. तर टोंक विधानसभा मतदारसंघातून सचिन पायलट यांना पक्षाने तिकीट दिले आहे. काँग्रेसच्या यादीत विद्यमान पाच मंत्र्यांना स्थान मिळाले आहे.तसेच काँग्रेसने दोन आमदारांची तिकिटे कापली केली आहेत.
दरम्यान भारतीय जनता पक्षाने ८३ उमेदवारांची दुसरी यादी जाहीर केली आहे. यापूर्वी जाहीर झालेल्या पहिल्या यादीत ४१ उमेदवार होते. भाजपच्या दुसऱ्या यादीत अनुसूचित जातीच्या १५ जणांना स्थान मिळाले आहे. १० महिलांना तिकीट देण्यात आले असून १० अनुसूचित जमातीच्या उमेदवारांना उमेदवारी देण्यात आली आहे.
