कॅनडा: कॅनडामध्ये खलिस्तान (Khalistani In Canada) समर्थक संघटनांचा हिंसाचार पुन्हा एकदा वाढण्याची शक्यता निर्माण झाली आहे. ‘शीख फॉर जस्टिस’ (SFJ) या फुटीरतावादी संघटनेने व्हँकूवरमधील भारतीय वाणिज्य दूतावासाला घेराव घालण्याची आणि तो ताब्यात घेण्याची धमकी दिल्याचे वृत्त समोर आले आहे. तसेच, त्यांनी भारतीय आणि कॅनेडियन नागरिकांनाही या भागापासून दूर राहण्याचा इशारा दिला आहे.
भारत आणि कॅनडा यांच्यातील राजनैतिक संबंध अलिकडेच चांगले झाले असले, तरी खलिस्तानी संघटना यावर नाराज आहेत. एका इंग्रजी वर्तमानपत्राच्या वृत्तानुसार, एसएफजेने गुरुवारी दूतावास ताब्यात घेण्याची योजना आखली आहे. या धमकीच्या मागे भारतीय एजंटांकडून खलिस्तानी जनमत मोहिमेच्या प्रचारकांवर हेरगिरी होत असल्याचा संशय असल्याचे एसएफजेने म्हटले आहे. हरदीप सिंग निज्जर यांच्या हत्येमध्ये भारतीय एजंटांचा सहभाग असल्याचा कॅनडाचे पंतप्रधान जस्टिन ट्रुडो यांनी संसदेत केलेल्या आरोपाचाही त्यांनी उल्लेख केला आहे.
खलिस्तान्यांना निधी कसा मिळतो?
कॅनडातील खलिस्तानी संघटनांना मिळणाऱ्या निधीचा मुद्दाही चर्चेत आहे. या महिन्याच्या सुरुवातीला कॅनडा सरकारने एका अंतर्गत अहवालात देशात खलिस्तानी दहशतवादी संघटनांची उपस्थिती मान्य केली होती. एसएफजेने कॅनडातील नवीन भारतीय उच्चायुक्त दिनेश पटनायक यांच्या चेहऱ्यावर बंदुकीचे निशाण असलेले पोस्टरही जारी केले आहे, ज्यामुळे तणाव आणखी वाढला आहे. या संपूर्ण प्रकरणावर कॅनेडियन किंवा भारतीय सरकारकडून अद्याप कोणतेही अधिकृत निवेदन जारी करण्यात आलेले नाही.
