मुंबई: सध्या इस्रायल, इराण आणि अमेरिका (Gold Price) यांच्यात सुरू असलेल्या संघर्षाने केवळ भूराजकीय तणावच वाढवला नाही, तर जागतिक अर्थव्यवस्थेची गणितेही पूर्णपणे बदलून टाकली आहेत. मध्यपूर्वेतील युद्धामुळे पुरवठा साखळी विस्कळीत झाली असून जागतिक चलनांमध्ये मोठी घसरण पाहायला मिळत आहे. अशा अनिश्चिततेच्या वातावरणात जेव्हा चलनाची किंमत कमी होते, तेव्हा सोन्याचे मूल्य स्थिर राहते किंवा वाढते. म्हणूनच, जगभरातील मोठ्या बँका आणि गुंतवणूकदार सध्या सोन्याची साठवणूक करण्यावर भर देत आहेत.
पुढील पाच वर्षांत सोन्याचे दर सध्याच्या तुलनेत दुप्पट होऊन 10,000 डॉलर्स (भारतीय चलनानुसार साधारण ३ लाख रुपये प्रति तोळा) पर्यंत पोहोचू शकतात. चीन, भारत आणि रशियासारख्या देशांच्या मध्यवर्ती बँका डॉलरवरील अवलंबित्व कमी करण्यासाठी सोन्याचा साठा वाढवत आहेत.
सामान्य मध्यमवर्गीय कुटुंबासाठी सोने हे केवळ दागिन्यापुरते मर्यादित नसून ते एक ‘इमर्जन्सी फंड’ असते. जर खरोखरच सोन्याचे भाव ३ लाखांपर्यंत गेले, तर आज केलेली गुंतवणूक भविष्यात फायद्याची ठरले.
