Gujarat Accident : गुजरातमध्ये आज सकाळी भीषण अपघात घडला आहे. आनंद जिल्ह्यात अहमदाबाद- वडोदरा एक्सप्रेस हायवेवर ट्रक आणि बसमध्ये भीषण अपघात झाला. ट्रक आणि बसमध्ये समोरासमोर धडक होऊन झालेल्या अपघातामध्ये 6 जणांचा मृत्यू झाला आहे. तर 8 जण गंभीर झाले आहेत. जखमी झालेल्यांवर रुग्णालयात उपचार सुरु आहेत.
#UPDATE | Gujarat: At least six people died and eight were injured after a bus collided with a truck on the Ahmedabad-Vadodra Express Highway in Anand, earlier today: Gaurav Jasani, SP Anand https://t.co/TviMCwsmaS
— ANI (@ANI) July 15, 2024
पोलिसांकडून मिळालेल्या माहितीनुसार, हा भीषण अपघात सोमवार (दि. 15 जुलै) रोजी पहाटे साडेचारच्या सुमारास झाला. जिथे एका ट्रकने लक्झरी बसला धडक दिली. महाराष्ट्रातून राजस्थानला जाणाऱ्या बसचा टायर पंक्चर झाल्याचे सांगण्यात येत आहे. पंक्चर काढण्यासाठी चालकाने बस महामार्गाच्या बाजूला उभी केली.
दरम्यान, पाठीमागून भरधाव वेगात आलेल्या ट्रकने बसला धडक दिली. या अपघातानंतर घटनास्थळी एकच गोंधळ उडाला. पोलिसांना तत्काळ अपघाताची माहिती देण्यात आली. माहिती मिळताच पोलीस पथक घटनास्थळी पोहोचले आणि जखमींना रुग्णालयात दाखल केले. या अपघातात बस आणि ट्रकचे मोठे नुकसान झाले आहे. पोलिसांनी मृतदेह ताब्यात घेऊन तपास सुरू केला आहे.
