नवी दिल्ली : मैत्रिणीला गाडीच्या टँकवर बसवून अश्लिल चाळे करणे एका तरूणाला चांगलेच महागात पडले आहे. अश्लिल चाळे करणारा व्हिडीओ सोशल मीडियावर व्हायरल झाल्यानंतर तपास करून पोलिसांनी या स्टंटबाज तरूणाला ताब्यात घेतले आहे. या घटनेचा व्हिडिओ सोशल मीडियावर चांगलाच व्हायरल झाला होता. ही घटना राजधानी दिल्लीतील विकासपुरी येथे घडली आहे. पोलिसांनी सीसीटीव्हीच्या माध्यमातून तपास करून दोघांना ताब्यात घेतले.
नेमकं काय घडलं?
विकासपुरी येथे व्हायरल झालेल्या व्हिडिओमध्ये आरोपी तरुण हेल्मेट न घालता भरधाव वेगाने दुचाकी चालवत असल्याचं दिसत आहे. त्याच्या बाईकच्या टाकीवर पुढे एक तरुणी बसली होती आणि तिनेही हेल्मेट घातले नव्हते. हा व्हिडिओ दुचाकीच्या मागे बसलेल्या कारचालकाने बनवला आहे. व्हिडिओमध्ये दोघेही बाईकवर अश्लील कृत्य करताना दिसत होते. ही घटना 15 सप्टेंबर रोजी रात्री 1 वाजण्याच्या सुमारास घडली.
या प्रकरणी माहिती मिळताच पोलिसांनी स्टंट करणाऱ्या तरुणाला सीसीटीव्ही कॅमेऱ्यांच्या मदतीने 24 तासांत पकडून न्यायालयासमोर हजर करत दंड वसूल केला आहे. अशा परिस्थितीत धोकादायक स्टंट करणाऱ्या तरुणाला जबर शिक्षा सुनावण्यात आली आहे. 11 हजार रुपयांच्या दंडासोबत 6 महिने तुरुंगवासाची शिक्षा त्याला सुनावण्यात आली.
