मुंबई: मुंबई पोलीस दलाच्या विश्वासार्हतेवर प्रश्नचिन्ह निर्माण (Crime News) करणारी एक गंभीर घटना जुहू परिसरात उघडकीस आली आहे. दोन पोलीस शिपायांसह (Mumbai News) त्यांच्या तीन साथीदारांनी एका फॉरेन करन्सी डिलिव्हरी बॉयला अडवून मारहाण करत त्याच्याकडील सुमारे 9 लाख 45 हजार रुपयांची रोकड लुटल्याचा आरोप आहे. 25 मार्च 2026 रोजी दुपारी सुमारे 3.10 वाजता हा प्रकार घडला. (Latest Marathi News)
फिर्यादी सुमित आंबेकर (वय 30), विलेपार्ले पश्चिम येथील रहिवासी असून ते वांद्रे येथील एका फॉरेक्स कंपनीत डिलिव्हरी बॉय म्हणून काम करतात. त्या दिवशी त्यांना 10 हजार अमेरिकन डॉलर, म्हणजेच सुमारे 8 लाख 30 हजार रुपयांची रक्कम जुहू येथील कार्यालयात पोहोचवण्याची जबाबदारी देण्यात आली होती. मात्र, मार्गात काही जणांनी त्यांना अडवून जबरदस्तीने गाडीत बसवले आणि मोबाईल हिसकावून मारहाण केली.
यानंतर आरोपींनी त्यांच्या खिशातील डॉलर काढून घेतले, तसेच बॅगेतील 15 हजार रुपयेही लुटले. त्यांना धमकावत मोबाईलचा पासवर्ड घेतला आणि त्यांच्या कुटुंबीय व कंपनीबाबत माहिती विचारली. सर्वात धक्कादायक बाब म्हणजे, गाडीत बसलेल्या दोघांनी स्वतःला पोलीस असल्याचे सांगत ओळखपत्र दाखवले आणि “तुझ्यावर केस आहे” असे सांगून धमकावले.
या घटनेमुळे नागरिकांच्या सुरक्षेवर आणि पोलीस यंत्रणेवरील विश्वासावर मोठा परिणाम होण्याची शक्यता आहे. जे नागरिकांचे रक्षण करण्यासाठी आहेत, त्यांच्यावरच अशा आरोपांचा डाग लागणे ही गंभीर बाब मानली जात आहे. या प्रकरणी जुहू पोलीस ठाण्यात जबरी चोरीसह विविध कलमांखाली गुन्हा दाखल करण्यात आला असून पुढील तपास सुरू आहे.
