मुंबई: भाजप नेत्या पंकजा मुंडे यांचे पीए अनंत गर्जे (Pankaja Munde’s PA Anant Garje) यांच्या पत्नी डॉक्टर गौरी पालवे (Gauri Palave Suicide) यांनी मुंबईतल्या वरळीतील राहत्या घरी शनिवारी (22 नोव्हेंबर) संध्याकाळच्या सुमारास गळफास घेऊन आत्महत्या केली. यामुळे एकच खळबळ उडाली आहे. या प्रकरणात एक मोठी अपडेट समोर आली आहे. सामाजिक कार्यकर्त्या अंजली दमानिया (Anjali Damania) यांनी मोठं खुलासा केला आहे.
किरण इंगळे नावाच्या बाईचं..
समोर आलेल्या माहितीनुसार, सामाजिक कार्यकर्त्या दमानिया यांनी अनंत गर्जेंबद्दल धक्कादायक खुलासा केला आहे. त्या म्हणाल्या “गौरी अगोदर बीडीडी चाळीत राहायचे. तिथून दुसरीकडे राहायला जात असताना गौरीला पॅकिंगच्यावेळी काही पेपर्स आढळून आले. त्यामध्ये किरण इंगळे नावाच्या बाईचं नाव होतं.
जेंव्हा किरणचा गर्भपात करायचा होता तेंव्हा तिला हॉस्पिटलमध्ये नेण्यात आलं होतं, त्यावेळच्या पेपरवर तिच्या नवऱ्याचं नाव अनंत गर्जे असं लिहिलेलं आढळून आलं. यानंतर दोघांमध्ये वाद होत होते. त्यातून हा सर्व प्रकार घडला. अशी माहिती तिच्या आई वडिलांनी दमानिया यांना दिली.
मारल्याच्या खुणा चेहऱ्यावर..
“गौरीची एक मैत्रीण तिला गेल्या दीड वर्षापासून भेटत होती. आतापर्यंत 9 महिन्यात बऱ्याचदा तिला मारल्याच्या खुणा चेहऱ्यावर दिसायच्या. असं तिच्या मैत्रिणीन सांगितलं. घटनेच्या दिवशी ती एक वाजेपर्यंत ड्युटीवर होती. त्यानंतर घरी आली आणि नंतर साडेसहाला हे घडलं असेल तर त्या साडेपाच तासात नेमकं काय घडलं?” असा सवाल दमानिया उपस्थित केला आहे.
हेही वाचा: जिल्हा परिषद निवडणुका पुढे ढकलण्याची शक्यता? अजित पवारांनी दिले स्पष्ट संकेत; म्हणाले
