मुंबई: महायुतीतील अंतर्गत (Breaking News) कलह आता उघडपणे (Maharashtra Politics) समोर येत आहे. आजच्या मंत्रिमंडळ बैठकीवर (Eknath Shinde) शिवसेना शिंदे गटातील (Devendra Fadanavis) मंत्र्यांनी बहिष्कार टाकल्याची माहिती पुढे आली. या बैठकीत उपमुख्यमंत्री एकनाथ शिंदे हे उपस्थित होते. शिंदे गटातील मंत्री मंत्रालयात हजर होते, पण कॅबिनेट बैठकीत सहभागी न होण्याचा निर्णय त्यांनी घेतला.
या घटनेमुळे राज्याच्या राजकारणात उलथापालथ होण्याची शक्यता वर्तवली जात आहे. बैठकीपूर्वीच शिंदे गटातील मंत्र्यांनी अचानक नाराजी व्यक्त करत कॅबिनेटपासून दूर राहण्याचा निर्णय घेतला. त्यानंतर हे सर्व मंत्री थेट मंत्रालयातील मुख्यमंत्र्यांच्या दालनात गेले. मिळालेल्या माहितीनुसार, भाजपात सुरू असलेले पक्षप्रवेश, आगामी स्थानिक स्वराज्य संस्थांच्या निवडणुकांतील जागावाटपातील अनिश्चितता आणि स्थानिक पातळीवर स्वतःला डावलले जात असल्याची भावना हे या नाराजीचं कारण आहे.
अलीकडेच ठाणे, कल्याण, अंबरनाथ यांसारख्या महत्त्वाच्या शहरांमध्ये शिंदे गटातील काही पदाधिकारी आणि कार्यकर्त्यांनी भाजपात प्रवेश केला आहे. या सतत वाढणाऱ्या पक्षविस्तारामुळे शिंदे गटातील मंत्र्यांमध्ये नाराजीचा सूर दिसत आहे. विशेष म्हणजे स्थानिक स्वराज्य संस्थांच्या निवडणुका जवळ आल्या असताना भाजपाचा आक्रमक पक्षविस्तार शिंदे गटाच्या राजकीय सुरक्षिततेसाठी धोक्याची घंटा मानली जात आहे.
