नवी दिल्ली : सध्या विविध कंपन्यांकडून अनेक स्मार्टफोन्स लाँच केले जात आहेत. त्यात आता प्रसिद्ध कंपनी Vivo ने भारतीय बाजारात आपला नवा Vivo Y18t हा स्मार्टफोन लाँच केला आहे. हा कंपनीचा बजेट फ्रेंडली 4G फोन असून, ज्याची किंमत 10 हजार रुपयांपेक्षा कमी आहे. यामध्ये तुम्हाला प्रीमियम डिझाईन मिळेल. इतकेच नाहीतर यामध्ये 50MP कॅमेराही देण्यात आला आहे.
Vivo Y18t हा कंपनीच्या Y18 सीरिजमधील चौथा फोन असणार आहे. यात 6.56-इंचाचा LCD डिस्प्ले देण्यात आला असून, डिव्हाईस Unisoc प्रोसेसरसह मिळत आहे. फोनमध्ये ड्युअल रियर कॅमेरा सेटअपसह 5000mAh बॅटरीही देण्यात आली आहे. कंपनीने हा फोन फक्त एका कॉन्फिगरेशनमध्ये लाँच केला आहे. तुम्हाला हा फोन दोन कलर वेरियंटमध्ये उपलब्ध करून देण्यात आला आहे. स्पेस ब्लॅक आणि जेम ग्रीन असे कलर उपलब्ध आहेत.
Vivo Y18t मध्ये 6.56-इंचाचा LCD डिस्प्ले आहे, जो 720p HD रिझोल्यूशनसह येतो. स्क्रीन 90Hz रिफ्रेश रेट सपोर्टसह येते. स्मार्टफोन Unisoc T612 प्रोसेसरसह येतो. हा एक 4G फोन आहे, ज्यामध्ये तुम्हाला 4GB रॅम आणि 128GB स्टोरेज मिळत आहे. हा कंपनीचा सर्वात स्वस्त स्मार्टफोन असून, त्याच्या 4GB RAM + 128GB स्टोरेज वेरिएंटची किंमत 9,499 रुपये आहे. हा फोन तुम्ही Vivo च्या अधिकृत वेबसाईटवरूनही खरेदी करू शकता. याशिवाय, हा फोन तुम्ही ऑफलाईनही खरेदी करता येणार आहे.
