भिगवण: भिगवण पोलीस स्टेशन हद्दीत मौजे शेटफळगडे चौकात आज (12 डिसेंबर 2025) दुपारी साधारण 1.30 वाजण्याच्या सुमारास झालेल्या भीषण अपघातात एका शिक्षकाचा मृत्यू झाला आहे.
मिळालेल्या माहितीनुसार, महेंद्र श्रीहरी भोसले (वय 55, रा. तक्रारवाडी ता. इंदापूर), हे त्यांच्या टीव्हीएस वीगो स्कूटी (क्रमांक MH 12 KS 0797) वरून जात असताना आयशर टेम्पो (क्रमांक MH 11 AL 6672) ने जोरदार धडक दिली. टेम्पो चालकाची ओळख युवराज संतोष नेवसे (रा. कोळकी, फलटण) अशी आहे. या धडकेत महेंद्र भोसले गंभीर जखमी झाले असून घटनास्थळीच त्यांचा मृत्यू झाला. भिगवण पोलिसांनी टेम्पो चालकाविरुद्ध गुन्हा नोंद करून पुढील कायदेशीर कारवाई सुरू केली आहे.
