Pune Politics: पुणे: निवडणुकीपूर्व काळात अनेक इच्छुक उमेदवार वेगवेगळ्या पद्धतीने मतदारांचे लक्ष वेधण्याचा प्रयत्न करताना दिसतात. काहीजण धार्मिक यात्रा, तर काहीजण सांस्कृतिक कार्यक्रमांचे आयोजन करतात. मात्र, पुण्यातील एका इच्छुक उमेदवाराने चक्क लकी ड्रॉच्या माध्यमातून महिलांना चक्क जमीन भेट देण्याची घोषणा केल्याने ही बाब सध्या चर्चेचा विषय ठरली आहे.
सोशल मीडियावर सध्या एक पोस्ट मोठ्या प्रमाणात व्हायरल होत आहे. या फोटोनुसार राष्ट्रवादी काँग्रेस पक्षाच्या नेत्या शश्यान्ना टिंगरे यांनी महिलांसाठी खास लकी ड्रॉ आयोजित केली. शशिआण्णा टिंगरे या आगामी पुणे महानगरपालिका निवडणुकीत वॉर्ड क्रमांक 1, कलास-धानोरी येथून निवडणूक लढवण्यास इच्छुक असल्याचे सांगितले जात आहे. या पार्श्वभूमीवर त्यांनी महिलांसाठी ही अनोखी योजना जाहीर केल्याची चर्चा आहे.
मिळालेल्या माहितीनुसार, प्रभाग क्रमांक 1 मधील महिला या लकी ड्रॉमध्ये सहभागी होऊ शकतात. या सोडतीतून निवड झालेल्या 11 भाग्यवान महिलांना पुणे जिल्ह्यातील 11 गुंठे जमीन मोफत दिली जाणार असल्याचा दावा करण्यात येत आहे. या घोषणेमुळे परिसरात एकच चर्चा रंगली आहे तर काही नागरिकांमध्ये संमिश्र प्रतिक्रिया उमटत आहेत. काही जण या उपक्रमाचे कौतुक करत आहेत, तर काही जण याकडे निवडणूकपूर्व आमिष दाखवण्याचा प्रयत्न करत असल्याचे सांगत आहे.
दरम्यान, या प्रकरणावर राजकीय वर्तुळातही चर्चा सुरू झाली आहे. पुणे आणि पिंपरी-चिंचवडमधील जागावाटपाबाबत मुख्यमंत्री देवेंद्र फडणवीस यांनी केलेल्या वक्तव्यावर उपमुख्यमंत्री आणि राष्ट्रवादी काँग्रेसचे अध्यक्ष अजित पवार यांनी प्रतिक्रिया दिली आहे. त्यांनी सांगितले की, मुख्यमंत्री कोणतीही भूमिका योग्य विचार करूनच घेत असतील आणि ती भूमिका भारतीय जनता पक्षासाठी अंतिम असेल. निवडणूकी काळात अश्या आकर्षिक भेट आणि उपक्रमांमुळे राजकारणात चर्चा रंगली आहे.
