पुण्यातील पाषाण परिसरातील Indian Institute of Tropical Meteorology (IITM) येथे 18 ते 20 नोव्हेंबर 2025 या काळात 30वे International Symposium on Tropical Meteorology आयोजित करण्यात येत आहे. Indian Meteorological Society (IMS) तर्फे आयोजित होणारा हा आंतरराष्ट्रीय शास्त्रीय मेळावा पहिल्यांदाच पुण्यात भरत असल्याने वैज्ञानिक व संशोधक वर्तुळात मोठी उत्सुकता पाहायला मिळत आहे.
या परिषदेला पृथ्वी विज्ञान क्षेत्रातील अनेक मान्यवरांची उपस्थिती लाभणार आहे. त्यामध्ये
डॉ. एम. रविचंद्रन – सचिव, पृथ्वी विज्ञान मंत्रालय
डॉ. एम. मोहापात्रा – महासंचालक, IMD
डॉ. ए. सुर्यचंद्र राव- संचालक, IITM
डॉ. आनंद शर्मा – अध्यक्ष, IMS
तसेच डॉ. मिलिंद मुजुमदार- चेअरमन, IMS पुणे अध्याय यांचा समावेश आहे.
हेही वाचा- पुणेकरांनो लक्ष द्या! पुण्यात 60% भागात गुरुवारी पाणी कपात; शुक्रवारी पाणी येईल, पण…
उष्णकटिबंधीय हवामानातील बदल, मानसून प्रणाली, महासागरातील घडामोडी आणि वातावरणातील दीर्घकालीन परिवर्तन अशा अनेक महत्त्वाच्या विषयांवर या तीनदिवसीय परिषदेत सखोल चर्चा होणार आहे. देश-विदेशातील अनुभवी संशोधक आणि हवामान तज्ज्ञ एका व्यासपीठावर एकत्र येणार असल्यामुळे हा मेळावा ज्ञानवृद्धीचा आणि वैज्ञानिक सहयोगाचा महत्वपूर्ण दुवा ठरणार आहे.
