छत्रपती संभाजीनगर : छत्रपती संभाजीनगर एक मन सुन्न करणारी अपघाताची घटना समोर आली आहे. जिल्ह्यातील सिल्लोड शहरात कंटेनर आणि दुचाकीचा अपघात झाल्यायाची घटना घडली आहे. या अपघातात दुचाकीवरील पती-पत्नीचा जागीच मृत्यू झाला आहे. या घटनेने परिसरात खळबळ उडाली आहे.
मिळालेल्या अधिक माहितीनुसार, अजीम रवानी सय्यद आणि आशिया अजीम सय्यद हे दोघेजण त्यांच्या दुचाकीवरून जात होते. यावेळी सिल्लोड शहरातील आंबेडकर चौकात असणाऱ्या शिवसेना भवनासमोर त्यांच्या दुचाकीचा आणि कंटेनरचा अपघात झाला. या अपघातात अजीम सय्यद आणि आशिया सय्यद या दोघांचाही जागीच मृत्यू झाला आहे.
घटनेची माहिती मिळताच स्थानिकांसह पोलिसांनी घटनास्थळी धाव घेत मृतदेह ताब्यात घेतले. या घटनेने परिसरात हळहळ व्यक्त होत आहे. या अपघात प्रकरणी शहर पोलीस ठाण्यात नोंद करण्यात आली आहे. पुढील तपास शहर पोलीस करत आहे.
