पुणे: जागतिक बाजारपेठेतील अस्थिरतेमुळे चांदीच्या भावाने (Gold Rate Today) गेल्या वर्षभरात तब्बल 70 हजार रुपयांची झेप घेतली आहे. रशिया-युक्रेन युद्ध आणि भू-राजकीय तणाव यांचा थेट परिणाम मौल्यवान धातूंवर होताना दिसत आहे. सध्या बाजारात एक किलो चांदीचा (SilverPrice) दर 1 लाख 55 हजार 500 रुपये इतका पोहोचला आहे. व्यापाऱ्यांचा अंदाज आहे की, दिवाळीपर्यंत हा दर 1 लाख 70 हजार रुपये प्रति किलोपर्यंत जाण्याची शक्यता आहे.
गेल्या वर्षभरातील चांदीचे दर पाहता, 07 ऑक्टोबर 2024 रोजी एक किलो चांदीचा दर 88,000 रुपये होता. तर 01 जून 2025 रोजी तो 1,10,000 रुपये झाला. 01 सप्टेंबर 2025 रोजी चांदीचा दर मोठ्या प्रमाणात वाढून 1,40,000 रुपये प्रति किलो झाला.
सोन्याचेही भाव गगनाला भिडला
सोन्यानेही दर वाढीचा विक्रम मोडला आहे. फक्त 24 तासांत दरात 1500 रुपयांची झेप घेत, जीएसटीशिवाय 1,20,000 रुपये, तर जीएसटीसह 1,23,800 रुपये इतका सोन्याचा भाव झाला आहे. व्यापाऱ्यांच्या मते, येत्या काही आठवड्यांत दर आणखी वाढण्याची शक्यता नाकारता येत नाही. दरम्यान, सणासुदीचा काळ लक्षात घेता, गुंतवणूक करण्यापूर्वी दराची स्थिरता पाहणे आवश्यक असल्याचे अर्थतज्ज्ञ सांगतात.
