पुणे: पुण्यातील पाणीपुरवठा विभागाने (Pune Water Cut) गुरुवारी (दि. 9) काही ठिकाणी विद्युत पंपिंग आणि वितरण यंत्रणेची तातडीची देखभाल सुरू असल्यामुळे संपूर्ण दिवसभर पाणीपुरवठा बंद राहणार असल्याचे सांगितले आहे.
नागरिकांनी या दिवशी पाणी साठवून ठेवावे, अशी महापालिकेची सूचना आहे. पर्वती आणि वारजे जलकेंद्रांसह नवीन पर्वती जलशुद्धीकरण केंद्र (500 ML), जुने पर्वती जलशुद्धीकरण केंद्र, पर्वती एमएलआर, एचएलआर, एलएलआर टाक्या परिसर, एसएनडीटी एमएलआर टाकी परिसर, चतुःशृंगी टाकी परिसर, लष्कर जलकेंद्र, होळकर जलकेंद्र, चिखली जलकेंद्र व वारजे फेज 1 व 2 जलकेंद्र यामध्ये कामे पार पडत आहेत.
विशेष म्हणजे, वारजे जलकेंद्रातील 22 KV उच्चदाब बेकर पॅनेलची दुरुस्ती व सर्व्हिसिंगसाठी ही तातडीची कामे सुरू आहेत. यामुळे या भागांमध्ये पाणीपुरवठा संपूर्ण दिवस बंद राहणार आहे.
शुक्रवारी (दि. 10) सकाळी पाणी कमी दाबाने पाणी पुरवठा केला जाणार आहे. महापालिकेने नागरिकांना पाणी जपून वापरण्याचे आवाहन केले आहे. तातडीच्या देखभालामुळे काही भागांमध्ये पाणीपुरवठ्यात अडचण निर्माण होऊ शकते, त्यामुळेनागरिकांनी पाणी जपून वापरावे असे आवाहन करण्यात आले आहे.
