Big News पुणे : मुख्यमंत्री वैद्यकीय सहाय्यता कक्षाचे प्रमुख मंगेश चिवटे यांना प्रिंट व डिजिटल मीडिया पत्रकार संघाचा आरोग्यदूत पुरस्कार जाहीर झाला आहे. त्यांच्यासह पोलिस उपनिरीक्षक शिवाजी ननावरे यांना असामान्य कर्तृत्त्व पुरस्कार दिला जाणार आहे. (Big News)
या पुरस्काराचे वितरण शनिवारी (दि.22) राजकपूर सभागृह, एमआयटी विद्यापीठ, लोणी काळभोर येथे केले जाणार आहे. प्रिंट व डिजिटल मीडिया पत्रकार संघाकडून पत्रकार मार्गदर्शन कार्यशाळा व स्नेहमेळावा आयोजित करण्यात आला आहे.
या कार्यक्रमाचे अध्यक्ष दौंड विधानसभा मतदारसंघाचे आमदार राहुल कुल, शिरूर मतदारसंघाचे आमदार अशोक बापू पवार हे असणार आहेत. या कार्यक्रमाला अनेक मान्यवरांची उपस्थिती असणार आहे. यामध्ये ज्येष्ठ पत्रकार संजय आवटे, ज्येष्ठ विधिज्ञ अॅड. असीम सरोदे, पुरंदरचे आमदार संजय जगताप, इंदापूरचे आमदार दत्तात्रय भरणे यांच्यासह अनेक मान्यवर उपस्थित असणार आहेत.
या कार्यक्रमात पत्रकार मार्गदर्शन कार्यशाळा होणार असून, यामध्ये ‘पत्रकार व त्यांची सामाजिक जबाबदारी’ आणि ‘पत्रकारिता आणि न्यायिक बंधने’ या विषयांवर मार्गदर्शन होणार आहे. यावेळी दैनिक ‘पुणे प्राईम’च्या पहिल्या अंकाचे प्रकाशन पत्रकार विलास बडे यांच्या हस्ते केले जाणार आहे.
