अमरावती : दर्यापूरपासून पाच किलोमीटर अंतरावर असलेल्या लाखापूर फाट्याजवळ मजुरांच्या ट्रॅक्टरची आणि आमदार बळवंत वानखडे यांच्या वाहनाची जोरगार धडक झाली. या धडकेत एकाचा घटनास्थळी ममृत्यू झालाय. पाच मजूर जखमी झाले आहेत.
कापूस वेचणी करून परतणाऱ्या मजुरांच्या ट्रॅक्टरला आमदार बळवंत वानखडे यांच्या वाहनाने जोरदार धडक दिली. यात धडकेत दर्यापूर सेवा सहकारी सोसायटीचे अध्यक्ष मोहम्मद खालिक यांचा घटनास्थळी मृत्यू झाला. पाच मजूर जखमी झाले आहेत. हा अपघात शुक्रवारी सायंकाळी घडला.
दर्यापूर शहरातील एका शाळेच्या स्नेहसंमेलनाला उपस्थित राहण्यासाठी आमदार यशोमती ठाकूर दर्यापूरला येत होत्या. यावेळी त्यांच्या समवेत आमदार बळवंत वानखडे व काँग्रेस पदाधिकारी त्यांच्यासोबत होते. आमदार बळवंत वानखडे यांचे वाहन त्यांच्या ताफ्यामध्ये होते. ट्रॅक्टरमधून मोहम्मद खालीक हे शेतमजुरांसह दर्यापूरकडे येत होते. बळवंत वानखडे यांच्या वाहनाची ट्रॅक्टरला जोरदार धडक बसली. या अपघातात मोहम्मद खालीक यांचा जागीच मृत्यू झाला. मजुरांपैकी पाच जण गंभीर जखमी झाले. जखमींवर अमरावती आणि दर्यापूर येथील रुग्णालयात उपचार सुरू आहेत.
