सरकारी नोकरीचे (Bank Job 2025) स्वप्न पाहणाऱ्यांसाठी एक मोठी संधी उपलब्ध झाली आहे. इंडियन ओव्हरसीज बँकने स्पेशालिस्ट ऑफिसर (SO) पदांसाठी भरती जाहीर केली आहे. या भरतीअंतर्गत एकूण 127 पदांसाठी अर्ज मागविण्यात आले असून अर्ज प्रक्रिया 12 सप्टेंबर 2025 पासून सुरू झाली आहे. इच्छुक उमेदवारांना 3 ऑक्टोबर 2025 पर्यंत अर्ज करता येणार आहेत. अर्ज फक्त बँकेच्या अधिकृत वेबसाइट iob.in वर ऑनलाइन पद्धतीने स्वीकारले जातील.
पात्रता कोणासाठी?
या भरतीमध्ये विविध प्रकारची पदे असून त्यासाठी वेगवेगळी शैक्षणिक पात्रता निश्चित करण्यात आली आहे. पदवीधर उमेदवारांसह B.Arch, B.Tech / BE, M.Sc, ME / M.Tech, MBA / PGDM, MCA किंवा PGDBA सारखी पदवी प्राप्त केलेले उमेदवार अर्ज करू शकतात. मात्र, उमेदवारांना बँकेने जारी केलेली अधिकृत भरती अधिसूचना काळजीपूर्वक वाचण्याचा सल्ला देण्यात आला आहे. त्यामध्ये पात्रता निकष, अनुभव, वयोमर्यादा व इतर अटी स्पष्टपणे दिल्या आहेत.
अर्ज शुल्क किती?
या भरती प्रक्रियेत अर्जदारांना श्रेणीनुसार शुल्क भरावे लागेल. जनरल, ओबीसी आणि ईडब्ल्यूएस श्रेणीतील उमेदवारांना 1000 रुपये (GST सह) अर्ज शुल्क भरावे लागेल. तर एससी, एसटी आणि पीडब्ल्यूडी उमेदवारांसाठी केवळ 175 रुपये (GST सह) माहिती शुल्क निश्चित केले आहे. पेमेंट डेबिट कार्ड, क्रेडिट कार्ड, इंटरनेट बँकिंग किंवा यूपीआयच्या माध्यमातून करता येईल.
पगार किती मिळेल?
-इंडियन ओव्हरसीज बँकेतील स्पेशालिस्ट ऑफिसर पदांवर नियुक्त होणाऱ्या उमेदवारांना आकर्षक पगार व भत्ते मिळणार आहेत.
-MMGS-II (Middle Management Grade Scale-II): सुरुवातीचा पगार 64820 रुपये असून तो अनुभव आणि पदोन्नतीसह कमाल 93960 रुपयांपर्यंत जाऊ शकतो.
-MMGS-III (Middle Management Grade Scale-III): सुरुवातीचा पगार 85920 रुपये असून कमाल पगार 105280 रुपयांपर्यंत पोहोचू शकतो.
-याशिवाय, कर्मचाऱ्यांना बँकेच्या धोरणांनुसार भत्ते आणि विविध सुविधा उपलब्ध होतील.
निवड प्रक्रिया कशी असेल?
या भरती प्रक्रियेत सर्व पात्र उमेदवारांची ऑनलाइन परीक्षा होईल. ही परीक्षा उत्तीर्ण झालेल्या उमेदवारांनाच मुलाखतीसाठी बोलावले जाईल. मात्र केवळ पात्रता निकष पूर्ण केल्यामुळे प्रत्येक उमेदवाराला परीक्षा किंवा मुलाखतीसाठी बोलावले जाईलच, याची हमी नाही.
अर्ज कसा करावा?
-उमेदवारांनी प्रथम iob.in
या अधिकृत वेबसाइटवर जावे.
-भरती विभागात “Specialist Officer Recruitment 2025” ही लिंक उघडावी.
-दिलेल्या सूचना नीट वाचून ऑनलाइन अर्ज भरावा.
-ऑनलाइन पद्धतीने अर्ज शुल्क भरावे.
-अर्ज सबमिट झाल्यानंतर त्याची प्रिंट प्रत स्वतःकडे ठेवावी.
