तिरुअनंतपुरम: साउथ इंडस्ट्रीमधून एक वाईट बातमी समोर येत आहे. मल्याळम अभिनेत्री रंजूषा मेनन ही तिच्या घरात मृतावस्थेत आढळून आली. 35 वर्षीय अभिनेत्री तिरुअनंतपुरममधील तिच्या फ्लॅटमध्ये दोरीला लटकलेल्या अवस्थेत आढळली. 30 ऑक्टोबर रोजी सकाळी तिचा मृत्यू झाला, ज्याचा तपशील आता समोर आला आहे. ही बातमी ऐकून सर्वांनाच धक्का बसला आहे. तिने हे पाऊल का उचलले याचे कारण अद्याप समजले नसले, तरी इतक्या कमी वयात त्याचे जाणे सर्वांसाठी धक्कादायक आहे.
रंजूषा मनोरंजन क्षेत्रातील एक प्रसिद्ध चेहरा आहे. तिने अनेक चित्रपट आणि टीव्ही मालिकांमध्ये सहाय्यक भूमिका केल्या आहेत. ती अखेरची आनंदरागममध्ये मुख्य भूमिकेत दिसली होती. सिटकॉम वरण डॉक्टरनूमध्ये तिने विनोदी भूमिका साकारली होती. एंटे माथावू आणि मिसेस हिटलर यांसारख्या चित्रपटांतील भूमिकांनी तिने लोकांचे लक्ष वेधून घेतले.
रंजूषाची शेवटची सोशल मीडिया पोस्ट
टीव्ही सीरियल्सशिवाय ती सेलिब्रिटी कुकरी शो ‘सेलिब्रिटी किचन मॅजिक’ मध्ये स्पर्धक म्हणून दिसली होती. सिटी ऑफ गॉड आणि मेरीकुंडोरू कुंजाडू या चित्रपटांमध्येही ती दिसली. अभिनेत्री सोशल मीडियावर सक्रिय होती. ती तिच्या सहकलाकारांसोबत व्हिडिओ बनवत असते. 29 ऑक्टोबर रोजी तिने एक रील देखील शेअर केला होते. त्यानंतर दुसऱ्या दिवशी सकाळी अभिनेत्रीने हे पाऊल का उचलले? आणि गळफास का लावून घेतला? याची माहिती मिळू शकली नाही. मात्र, पोलीस तपास करत आहेत.
View this post on Instagram
