Uruli Kanchan News : उरुळी कांचन, (पुणे) : बैलपोळ्याच्या सणा निमित्य मिरवणूक चालू असताना बैल बुजवण्यावरून २७ सप्टेंबर २०११ रोजी वळती (ता. हवेली) येथील गावात किरकोळ वाद झाला होता. या वादातील २४ जणांची सबळ पुराव्या अभावी निर्दोष मुक्तता करण्याचे आदेश प्रथमवर्ग न्यादंडाधिकारी एस जी. बर्डे यांच्या कोर्टाने दिले असल्याची माहिती आरोपींचे वकील अॅड. नितीन भालेराव यांनी दिली.
निर्दोष मुक्तता झालेल्यांची नावे
प्रवीण उर्फ आप्पा कुंजीर, गोरख कानकाटे, गणेश शामराव कुंजीर, राहुल कुंजीर, सचिन कुंजीर, दीपक कुंजीर, जीवन कुंजीर, प्रदीप कुंजीर, विशाल लोणारी, संतोष कायगुडे, नवनाथ कुंजीर, गणेश कुंजीर, जालिंदर कुंजीर, प्रमोद उर्फ पिंटू सुरेश कुंजीर, अनिल कुंजीर, सुनील कुंजीर, देवराम कुंजीर, मारुती कुंजीर, भगवान कुंजीर, सोन्या उर्फ विशाल कुंजीर, आण्णा गवारे, सोमनाथ कांचन, प्रमोद काळूराम कांचन, राजेंद्र गोते, अनिल मोहिते, अशी निर्दोष मुक्तता करण्यात आलेल्या इसमांची नावे आहेत.
मिळालेल्या माहितीनुसार, प्रवीण उर्फ अप्पा कुंजीर, गोरख कानकाटे, अण्णा गवारी, सोमनाथ कांचन, प्रमोद कांचन, विशाल लोणारी, व इतर २३ ते ३० लोकांनी मिळून हातात कोयता, काठ्या, दगड घेऊन वळती गावातील १० ते १५ लोकांच्या घरावर दगडफेक करून गावातील वाहने तसेच दुकानांची तोडफोड केल्याप्रकरणी आरोप करण्यात आले होते. त्यानुसार एकूण २५ आरोपींच्या विरुद्ध लोणी काळभोर पोलिसात वेगवेगळ्या कलमान्वये गुन्हा दाखल करण्यात आला होता.
सरकार पक्षातर्फे केस मधील महत्वाचे साक्षीदार तपासण्यात आले. त्या नंतर दोन्ही पक्षातर्फे युक्तिवाद करण्यात आला होता. आरोपींनी कुठलाही गुन्हा केला नसून केवळ राजकीय द्वेषापोटी आरोपींच्या विरुद्ध खोटा गुन्हा दाखल करण्यात आला होता. असा युक्तिवाद आरोपींतर्फे अॅड. नितीन भालेराव यांनी न्यायालयात केला होता. दोन्ही बाजूंचे म्हणणे ऐकून सर्व आरोपींच्या विरुद्ध पुरावे नसल्याने पुराव्या अभावी निर्दोष मुक्तता करण्याचे आदेश प्रथमवर्ग न्यादंडाधिकारी एस जी. बर्डे यांच्या कोर्टाने दिले आहेत.
दरम्यान, हा गुन्हा कोणत्याही निकषावर न टिकल्याने जिल्हा सत्र न्यायालयाने या सर्वांची निर्दोष मुक्तता केली. सर्व आरोपींच्या वतीने अॅड. नितीन भालेराव यांनी काम पहिले. यावेळी अॅड. मयूर चौधरी यांनीहि मदत केली.
