Sex Racket | पुणे : पुणे व पिंपरी-चिंचवड शहरात मसाज पार्लरच्या नावाखाली सर्रास सेक्ट रॉकेटचा व्यवसाय सुरु आहे. पिंपरी-चिंचवड मध्ये पंचतारांकित हॉटेल्समधून चालणाऱ्या एका मोठ्या सेक्स रॅकेटचा पर्दाफाश पिंपरी-चिंचवड पोलिसांनी केल्याने मोठी खळबळ उडाली आहे.
या रॅकेटमध्ये एक भोजपुरी अभिनेत्री आणि एका मॉडेलला वेश्याव्यवसायाचे आमिष दाखविण्यात आले होते. त्यानंतर आता पुण्यातील उच्चभ्रु कोरेगाव पार्कमध्ये मसाज पार्लरच्या नावाखाली वेश्याव्यवसाय सुरु असल्याची माहिती समोर आली. या कारवाईत पोलीसांनी थायलंडमधील तरुणींसह पाच जणींना ताब्यात घेतले.
शहरातील कोरेगाव पार्क भागात मसाज पार्लरच्या नावाखाली सुरू असलेला वेश्याव्यवसायाचा गुन्हे शाखेच्या सामाजिक सुरक्षा विभागाने पर्दाफाश केल्या. या कारवाईत पोलीसांनी थायलंडमधील तरुणींसह पाच जणींना ताब्यात घेतले. या प्रकरणी मसाज सेंटरच्या चालकासह दोघांच्या विरुद्ध गुन्हा दाखल करण्यात आला आहे.
मिळालेल्या माहितीनुसार, गुन्हे शाखेच्या सामाजिक सुरक्षा विभागाला कोरेगाव पार्कमधील मसाज पार्लरमध्ये मसाजच्या नावाखाली वेश्याव्यवसाय सुरु असल्याची माहिती मिळाली. त्यानंतर पोलीसांनी एक बनावट ग्राहक पार्लरमध्ये पाठवला व याबाबत खात्री करून घेतली.
याबाबत खात्री केल्यानंतर पोलीसांनी मसाज पार्लवर छापा टाकला व पाच तरुणींना ताब्यात घेतले. पोलीसांनी ताब्यात घेतलेल्या तरुणी ह्या थायलंडमधील आहेत. त्यांची निरीक्षण गृहात रवानगी करण्यात आली. पुढील तपास पोलीस करत आहेत.
