सासवड : Saswad Crime – चारित्र्याच्या संशयावरून दारुड्या पतीने पत्नीच्या दंडाला चावा घेतल मारहाण केल्याचा धक्कादायक प्रकार समोर आला आहे. (Saswad Crime) यामध्ये महिला जखमी झाली आहे. ही घटना पुरंदर तालुक्यातील लपतळवाडी येथे घडली आहे. (Saswad Crime)
सासवड पोलीस ठाण्यात गुन्हा दाखल
याप्रकरणी महिलेने पतीविरुद्ध सासवड पोलीस ठाण्यात तक्रार दाखल केली आहे. त्यावरून पती पांडुरंग शंकर पिलाणे (रा. लपतळवाडी ता. पुरंदर) यांच्याविरुद्ध गुन्हा दाखल केला आहे. हेमा पांडुरंग पिलाणे (वय ४५, व्यवसाय-शेती, रा. लपतळवाडी, ता. पुरंदर) असे फिर्यादी महिलेचे नाव आहे.
मिळालेल्या माहितीनुसार, आरोपी पतीस दारूचे व्यसन आहे. तो सारखा दारून पिऊन येत असे व तक्रारदार पत्नीस वारंवार त्रास देत होता. दरम्यान गुरुवारी (ता.20) रोजी रात्री नऊच्या सुमारात नेमीप्रमाणेच पती पांडुरंग आपल्या घरी गेला व पत्नी हेमा यास शिवीगाळ करत राहिला.
त्यानंतर या दोघांमध्ये भाचाबाची झाली त्यातून तुझे बाहेर अनैतिक संबंध म्हणत पत्नीशी भांडत राहिला. या चारित्र्याच्या संशयातून त्याने पत्नीच्या डाव्या दंडास कडकडून चावा घेतला. यामध्ये हेमा ह्या जखमी झाल्या. त्यानंतर त्यांनी पोलीसात धाव घेतली. पुढील तपास पोलीस करत आहेत.
