Road Accident | दौंड : पुणे जिल्ह्यातील दौंड-सिद्धटेक रोडवर पादचारी पती-पत्नीस भरधाव दुचाकीने पाठीमागून धडक देऊन अपघात झाल्याची बातमी समोर आली आहे. या अपघातात महिला जखमी झाली आहे. याप्रकरणी अज्ञात दुचाकीस्वाराच्या विरोधात गुन्हा दाकल करण्यात आला आहे.
याप्रकरणी नटराज भोसले यांनी दौंड पोलीस ठाण्यात अज्ञात दुचाकी चालका विरोधात तक्रार दाखल केली. त्यावरून पोलीसांनी दुचाकीस्वाराविरोधात गुन्हा दाखल करून घेतला आहे.
मिळालेल्या माहितीनुसार, दौंड-सिद्धटेक रोडवर भीमनगर हद्दीतून तक्रारदार पती-पत्नी रस्त्यावरून पायी जात होते. दरम्यान अज्ञात भरधाव दुचाकीस्वाराने पाठीमागून येत त्यांना जोरदार धडक दिली. या घडकेत महिला जखमी झाल्या. अपघातनंतर दुचाकीस्वार पसार झाला. पुढील तपास पोलीस करत आहेत.
