Pune News : पुणे : भांडणे सोडवायला गेलेल्या एका पोलीस बीट मार्शल पोलिसावर तरुणाने चाकूने हल्ला केल्याची धक्कादायक घटना बिबवेवाडी परिसरातील अप्पर इंदिरानगर भागात घडली आहे. या घटनेने परिसरात खळबळ उडाली आहे.
चाकूने हल्ला केल्याची धक्कादायक घटना
उत्तम वसंत सोळुंके असे पोलिसावर हल्ला केलेल्या तरुणाचे नाव आहे. त्याच्या विरोधात बिबवेवाडी पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, पुणे शहरातील बिववेवाडी परिसरातील अप्पर इंदिरानगर भागात दोन तरुणांमध्ये वाद झाला. एक तरुण दारू पिऊन संकेत साळुंके या युवकाला करत होता. या वादाची माहिती पोलिस बीट मार्शलला मिळाली. माहिती मिळताच पोलिसांनी तात्काळ घटनास्थळी धाव घेतली.
यावेळी दारु पिलेल्या तरुणाने संकेत साळुंके याच्या चेहऱ्यावर वार केले. तसेच हे भांडण सोडवताना सोळुंके याने पोलिसांच्या हातावरही चाकूने हल्ला केला. या घटनेने परिसरात एकच खळबळ उडाली.
दरम्यान या प्रकरणात उत्तम वसंत सोळुंके याच्याविरोधात गुन्हा दाखल करण्यात आला आहे.
