Pune Crime | पुणे : मोबाईलवरून फोन लावल्याच्या गैरसमजातून तरुणाला लाकडी दांडक्याने तीन जणांनी बेदम मारहाण करून गंभीर जखमी केल्याची घटना विमानतळ परिसरातून समोर आली. या घटनेत तरुण गंभीररित्या जखमी झाला आहे.
याप्रकरणी विमानतळ पोलीस ठाण्यात मंगेश मोहिते (वय २१) याने तक्रार दिली आहे. त्यानूसार, तिघांविरोधात गुन्हा नोंद केला आहे.
मिळालेल्या माहितीनुसार, तक्रारदार एका ठिकाणी काम करतो. तो काम संपवून बाहेर जात असतानाच त्याच्या मामाच्या मुलीची एक मैत्रिण तेथे आली. तिने फोन मागितला व मावस भाऊ आणि सख्या भावाला फोन लावून काही कामानिमित्ताने बोलावले.
परंतु, त्यांना तरुणाच्या मोबाईलवरून फोन लावल्याने गैरसमज झाला. त्यांनी काही वेळाने याठिकाणी येऊन काही एक कारण नसताना तरुणाला मारहाण केली. त्याला एका मैदानावर नेहून लाकडी दांडक्याने बेदम मारहाण करून गंभीररित्या जखमी केले. पुढील तपास पोलीस करत आहेत.
