Pune Crime News : पिंपरी, (पुणे) : गुन्हेगारीचा मार्ग सोडून चांगलं आयुष्य जगण्याचा सल्ला देणं एका तरुणाला जीवावर बेतलं. पिंपरी-चिंचवडमधील चऱ्होली परिसरात एका सराईत आरोपीने संतापाच्या भरात तरुणावर थेट गोळीबार केल्याची धक्कादायक घटना समोर आली आहे. बुधवारी सायंकाळी घडलेल्या या प्रकारामुळे परिसरात भीतीचं वातावरण निर्माण झालं आहे. Pune Crime News :
मिळालेल्या माहितीनुसार, करण गुरुनाथ राठोड (वय २३) याने आरोपी शेखर संभाजी जाधव याला “चोऱ्या-माऱ्या सोडून सुधार” असा सल्ला दिला होता. मात्र, हा सल्ला आरोपीच्या जिव्हारी लागला. याच कारणावरून दोघांमध्ये जोरदार वाद झाला आणि काही वेळातच हा वाद हिंसक वळणावर गेला. Pune Crime News :
संतापलेल्या शेखर जाधवने आपल्या आणखी तीन साथीदारांना घटनास्थळी बोलावून घेतले. त्यानंतर आरोपींनी करण आणि त्याचा मित्र प्रेम यांना लाथाबुक्क्यांनी बेदम मारहाण केली. एवढ्यावरच न थांबता, शेखरने कमरेतील पिस्तूल बाहेर काढत करणच्या दिशेने गोळी झाडली. अचानक झालेल्या गोळीबारामुळे परिसरात एकच गोंधळ उडाला आणि नागरिकांनी जीव वाचवण्यासाठी धावाधाव केली. Pune Crime News :
घटनेनंतर सर्व आरोपी घटनास्थळावरून पसार झाले. जखमी करण राठोड याने दिघी पोलीस ठाण्यात तक्रार दाखल केली असून, पोलिसांनी शेखर जाधव आणि त्याच्या साथीदारांविरोधात खुनाचा प्रयत्न तसेच आर्म्स ॲक्टअंतर्गत गुन्हा दाखल केला आहे. पोलिसांकडून आरोपींचा शोध सुरू असून, किरकोळ कारणावरून झालेल्या या गोळीबारामुळे पिंपरी-चिंचवडमध्ये खळबळ उडाली आहे. Pune Crime News :
