Nagar News : कोतवाली, (नगर) : कोतवाली पोलीस ठाण्याच्या हद्दीतून मंदिरातील चांदीच्या त्रिशूळाची चोरी करणाऱ्या एका ४९ वर्षीय मनोरुग्ण चोरट्याला कोतवाली पोलीसांनी ताब्यात घेतले आहे.
सापळा लावून आरोपीला घेतले ताब्यात
याप्रकरणी बाळु गंगाराम डहाळे (वय ६३ वर्षे धंदा- पानटपरी, रा गोंधळलेगल्ली, अहमदनगर) यांनी कोतवाली पोलीस ठाण्यात अज्ञात व्यक्तीच्या विरोधात तक्रार दिली होती.
कोतवाली पोलीस ठाण्याचे वरिष्ठ पोलीस निरीक्षक चंद्रशेखर यादव यांनी दिलेल्या माहितीनुसार, नगर अर्बन बॅंक चौकातील अमृतेश्र्वर मंदिरातून तीन हजार ८०० रुपये किमतीचा त्रिशूळ १५ ऑक्टोबर २०२३ रोजी चोरीला गेला होता. याबाबत डहाळे यांनी फिर्याद दिली होती. (Nagar News) त्यानुसार कोतवाली पोलीस तपास करीत असताना एका खबऱ्याकडून पोलिसांना माहिती मिळाली कि, मंदिरातून चांदीचा त्रिशूळ बाळगून आहे.
या माहितीच्या आधारे गुन्हे शोध पथकाने बागडपट्टी, तोफखाना येथे सापळा लावून आरोपीला ताब्यात घेतले. सिध्दीविनायक अपार्टमेंट, बागडपट्टी, अहमदनगर येथील वय- ४९ वर्षे वयाचा आरेापी आहे. (Nagar News) गुन्हे शोध पथकातील अंमलदार बागडपट्टी येथे सापळा लावून थांबलेले असताना एक इसम संशयास्पद उभा असल्याचे पथकाच्या निदर्शनास आले.
दरम्यान, त्याला ताब्यात घेऊच चौकशी केली असता चोरीला गेलेला त्रिशूल त्याच्याकडून हस्तगत करण्यात आला आहे. गुन्ह्याचा पुढील तपास पोलीस निरीक्षक चंद्रशेखर यादव यांच्या मार्गदर्शनाखाली पोलीस नाईक मुकुंद दुधाळ करत आहेत. (Nagar News) सदर आरोपीचे मानसिक संतुलन बिघडले असून काही प्रमाणात मनोरुग्ण असल्याबाबत त्याचे नातेवाईकांनी कळविले असून त्याबाबत अधिक तपास सुरू आहे.
सदरची कारवाई पोलीस निरीक्षक चंद्रशेखर यादव, पोलीस अंमलदार तनवीर शेख, गणेश धोत्रे, योगेश भिंगारदिवे, सलिम शेख, अभय कदम, सुजय हिवाळे, अतुल काजळे यांच्या पथकाने केली आहे.
अधिक बातम्या वाचण्यासाठी येथे क्लिक करा :
Rajgurunagar News : राजगुरूनगर बस स्टॅंडवर विद्यार्थ्यांचा राडा
Nagar News : केडगाव देवी मंदिर परिसरात चोरी करणाऱ्या महिलांची टोळी जेरबंद ; सात महिलांवर गुन्हा दाखल
