पुणे : पंजाब आणि हरियाणाची राजधानी असलेल्या चंदीगडमधील बुरैल भागात भाड्याच्या घरात राहणाऱ्या एका हिंदू मुलीची हत्या करण्यात आली आहे.
हिंदू तरुणीच्या हत्येप्रकरणी एका मुस्लिम तरुणाला अटक करण्यात आली आहे. विवाहित मुस्लिम तरुणाने हिंदू मुलीची हत्या केल्याची घटना घडली आहे. श्रद्धा वालकरच्या हत्याकांडाने देश हादरला असताना आणखी एक हत्येची पुनरावृत्ती घडली आहे.
ममता (वय-१८, रा. हरदोई, बेनिगंज, मध्यप्रदेश) असे हत्या झालेल्या मुलीचे नाव आहे. तर मोहम्मद शारिक (वय- २५, बेला, मधुबनी, बिहार) असे आरोपीचे नाव आहे. याप्रकरणी मुलीच्या आईने पोलिसात तक्रार दिली असून पोलिसांनी आरोपीला जेरबंद केले आहे.
पोलिसांनी दिलेल्या माहितीनुसार, मोहम्मद शरीक फूड डिलिव्हरीचं काम करतो आणि तीन वर्षांपूर्वीच तो चंदीगडला आला होता. सुमारे अडीच वर्षांपासून ते बुरेल येथे भाड्याच्या घरात राहत होते.
ममता त्याच्या शेजारी कुटुंबासह राहत होती. आधीच विवाहित मुस्लिम तरुणाने शेजारी राहणाऱ्या हिंदू तरुणीला आपल्या प्रेमाच्या जाळ्यात अडकवले.
ममताला आरोपी विवाहित असल्याचे सहा महिन्यांपूर्वी समजले. यानंतर तिने मोहम्मद शारिकपासून अंतर ठेवले. यानंतर तो तरुण तिच्या मागे लागला, यामुळे ममता खूप तणावात होती.
दीड महिन्यापूर्वी मुलीने तिच्या आईला आरोपी शारिकबाबत सांगितले. ममता त्याच्याशी फोनवरही बोलत नसे. त्यामुळे तो रागात होता. तरुणीने तरुणाशी बोलणे बंद केल्यावर त्याने तिची हत्या केली.
ममता सोमवारी घरी एकटीच होती. तिची आई कामावर गेली होती, तर लहान भाऊ शाळेत गेला होता. त्याचवेळी आरोपीने घरात घुसून मुलीचा गळा आवळून खून केला. सायंकाळी आई घरी परतली तेव्हा मुलगी बेडवर बेशुद्ध अवस्थेत पडली होती. तिचे केस विस्कटलेले होते आणि कानातून रक्त येत होते.
आईने तत्काळ पोलिसांना माहिती दिली. मुलीची आई चंपा हिच्या तक्रारीच्या आधारे पोलिसांनी आरोपीला सेक्टर-४५ येथून अटक केली. त्याच्याकडून कपड्यांनी भरलेली बॅगही जप्त करण्यात आली आहे. दरम्यान, पोलिसांनी आरोपीला अटक केली असून त्याला दोन दिवसांची पोलीस कोठडी सुनावण्यात आली आहे.
