Crime : पुण्यातील शिवाजीनगर परिसरात एका नामांकित महाविद्यालयाजवळ कारमध्ये बसून विद्यार्थिनींकडे अश्लील चाळे करणाऱ्या तरुणाला पोलीसाने ताब्यात घेतले आहे. आरोपीचे नाव प्रणव केदार वझे (वय 22) असून, तो पुणे महानगरपालिकेतील एका उच्चपदस्थ अधिकाऱ्याचा मुलगा असल्याचे समोर आले आहे. या घटनेने परिसरात खळबळ उडाली असून, विद्यार्थिनींच्या सुरक्षेचा प्रश्न पुन्हा एकदा चर्चेत आला आहे.
नेमकी घटना
मिळालेल्या माहितीनुसार, ही घटना 4 मार्च रोजी दुपारी 12:45 वाजता घडली. प्रणव वझे आपल्या कारमध्ये बसून महाविद्यालयाच्या आवारातील विद्यार्थिनींकडे अश्लील कृत्य करत होता. पोलिस अहवालानुसार, त्याने पँट गुडघ्यापर्यंत खाली करून, समोर मोबाईल धरून विद्यार्थिनींकडे पाहत अश्लील चाळे केली.
तातडीची कारवाई
स्थानिक नागरिक आणि विद्यार्थ्यांच्या तक्रारीनंतर भाजपच्या महिला नगरसेविकेने शिवाजीनगर पोलीस ठाण्यात तातडीने तक्रार नोंदवली. पोलिसांनी प्रणव वझे याला अटक केली आणि घटनास्थळी तपास सुरू केला. पोलीस अहवालात नमूद आहे की, प्रणव वझेने अशा प्रकारच्या कृत्याचा प्रयत्न ही दुसरी वेळ केला आहे आणि तो नियमितपणे विद्यार्थिनींची छेड करीत असल्याचे समोर आले आहे.
पालक आणि विद्यार्थ्यांचा संताप
या घटनेमुळे महाविद्यालयातील विद्यार्थी आणि पालकांमध्ये प्रचंड संताप आहे. पालकांनी कठोर कारवाईची मागणी केली असून, परिसरात पोलीस गस्त वाढवण्याची गरज व्यक्त केली आहे. पोलीस या प्रकरणाचा तपास करत आहेत आणि आरोपीच्या मागील कृत्यांबाबतही माहिती गोळा करत आहेत.
