करमाळा : मालगाडी रेल्वे रुळावरून घसरल्याची धक्कादायक घटना केम (ता. करमाळा) येथील रेल्वे स्टेशनजवळ आज रविवारी (ता.४) सकाळी सात वाजण्याच्या सुमारास घडली आहे. या घटनेत रेल्वेचे नुकसान झाले असून दोन ते तीन डबे रुळावरून खाली घसरल्याची माहिती रेल्वे प्रशासनाने दिली.
मिळालेल्या माहितीनुसार, हि मालगाडी रेल्वे सोलापूर रेल्वे स्टेशनहुन पुण्याच्या दिशेने आज रविवारी पहाटेच्या सुमारास चालली होती. सकाळी सातच्या सुमारात केम रेल्वे स्थानकाच्या हद्दीत आली असता, मालगाडी रेल्वे घसरली. आणि मालगाडी रेल्वे लाईनच्या जवळील शेतातील मातीत जावून फसली आहे.
दरम्यान, घटनेची माहिती मिळताच सोलापूर विभागातील रेल्वे आपत्कालीन व्यवस्थेचे पथक घटनास्थळी दाखल झाले आहे. मालगाडीचे रुळावरून खाली घसरलेले डबे पुन्हा पूर्वस्थितीत आणण्यासाठी रेल्वेचा अपघात विभाग प्रयत्न करीत आहे.
