लहू चव्हाण
पांचगणी : येथीक फ्लॅटचा ताबा घेण्याच्या उद्देश्याने घुसून, लॅपटॉप, सरकारी पत्रव्यवहार केलेली कागदपत्रे, जमिनीचे मूळ कागद चोरून नेणाऱ्या चौघांच्या विरोधात पाचगणी पोलीस ठाण्यात गुन्हा दाखल करण्यात आला असून सर्व आरोपी फरार आहेत.
स्मृति सिराज गोवानी( भट), भारती जोधिया, हुसेन माला व हितेश भंडारी (सर्व रा. पाचगणी) अशी गुन्हा दाखल करण्यात आलेल्या चौघांची नावे आहेत. यांच्या विरोधात अन्वर हुसेन मोहम्मद हुसेन शेख (वय 52 वर्ष) यांनी तक्रार दाखल केली आहे.
पोलिसांकडून मिळालेल्या माहितीनुसार, पाचगणी येथील जुन्या पोलीस स्टेशन समोर जैन मंदिर रस्त्यावर ओशो अपार्टमेंटच्या फ्लॅट नंबर २०३ व २०४ मध्ये फिर्यादी राहतात. त्यांच्या सॊबत पत्नी व मुलगी असा परिवार देखील राहतात. १८ फेब्रुवाराई रोजी सकाळी १० ते दुपारी ३ च्या दरम्यान आरोपींनी घराचा काडी – कोयंडा तोडून अनधिकृतपणे घरात प्रवेश केला.
घरात घुसल्यावर आरोपीनी वस्तूंची मोठ्या प्रमाणात नासधूस केली तसेच लॅपटॉप ,टॅब ,सरकारी पत्र व्यवहारांची कागदपत्रे, युनिव्हर्सिटीचे व जमिनीचे मूळ कागदपत्रे असा दस्ताऐवज चौघा आरोपीनी चोरून नेला अशी फिर्याद फिर्यादी यांनी केली आहे. त्यांच्या तक्रारीनुसार भा.द.वि.स कलम ४४८,४५४,३८०,३४ गुन्हा दाखल करण्यात आला असून याचा पुढील तपास पांचगणी पोलीस ठाण्याचे सहाय्यक पोलीस निरीक्षक राजेश माने व त्यांचे सहकारी करीत आहेत.
