पुणे प्राईम न्यूज डेस्क: ज्या एसयूव्हीची वाहनप्रेमींना आतुरतेने प्रतीक्षा होती, ती टाटा सिएरा (Tata Sierra) अखेर लाँच झाली आहे. 16 डिसेंबर 2025 पासून या गाडीचे बुकिंग सुरू झाले असून, एसयूव्ही खरेदी करण्याचा विचार करणाऱ्यांसाठी ही महत्त्वाची बातमी आहे.
किमान 2 लाख रुपये डाउन पेमेंट भरावे लागणार
किमतींबाबत बोलायचे झाल्यास, टाटा सिएराच्या बेस व्हेरिएंटची एक्स-शोरूम किंमत 11.49 लाख रुपयांपासून सुरू होते, तर टॉप व्हेरिएंटची किंमत 18.49 लाख रुपयांपर्यंत आहे. फायनान्सच्या पर्यायात बेस मॉडेल खरेदी करताना किमान 2 लाख रुपये डाउन पेमेंट भरावे लागणार आहे. उर्वरित रकमेवर 9 टक्के व्याजदराने 5 वर्षांच्या कालावधीसाठी मासिक हप्ता सुमारे 23,751 रुपये येतो.
परफॉर्मन्सच्या बाबतीत, या एसयूव्हीत पेट्रोल इंजिन देण्यात आले असून ते 105 bhp पॉवर जनरेट करते. मायलेजही उल्लेखनीय असून, कंपनीनुसार सुमारे 18.2 किमी प्रतिलिटर इतका मायलेज मिळतो.याशिवाय, ग्राहकांसाठी टर्बो-पेट्रोल आणि टर्बो-डीझेल इंजिनचे पर्यायही उपलब्ध करून देण्यात आले आहेत.
