पुणे: पुणे शहरात महिला (Pune Crime) आणि मुलींच्या सुरक्षेचा प्रश्न पुन्हा एकदा ऐरणीवर आला असून विनयभंगाची धक्कादायक घटना समोर आली आहे. हा संतापजनक प्रकार हडपसर जवळील महंमदवाडी परिसरात घडला आहे. ख्रिसमस पार्टीच्या बहाण्याने एका 72 वर्षीय ज्येष्ठ नागरिकाने 13 वर्षीय शाळकरी मुलीचा विनयभंग केल्याची घटना उघडकीस आली आहे. याप्रकरणी काळेपडळ पोलिसांनी कुतबुद्दीन अली महंमद या आरोपीला बेड्या ठोकल्या आहेत. (Latest Marathi News)
ही घटना 24 डिसेंबर रोजी रात्री साडेआठच्या सुमारास घडली. महंमदवाडी परिसरात राहणाऱ्या आरोपीने पीडित मुलीला गाठले आणि तिला चॉकलेटचे आमिष दाखवले. ख्रिसमस पार्टी करूया असे सांगून त्याने तिला आपल्या घरी बोलावले. अल्पवयीन मुलगी घरात गेल्यानंतर आरोपीने घराचा दरवाजा आतून बंद करून घेतला आणि तिच्यासोबत अश्लील कृत्य केले. या अचानक घडलेल्या प्रकारामुळे मुलगी प्रचंड घाबरली. तिने तिथून सुटका करून घेत थेट आपले घर गाठले आणि घडलेला सर्व प्रकार पालकांना सांगितला. (Breaking News)
मुलीने दिलेल्या माहितीनंतर तिच्या आईने तातडीने काळेपडळ पोलीस ठाण्यात धाव घेऊन तक्रार नोंदवली. पोलिसांनी या प्रकरणाचे गांभीर्य ओळखून तातडीने हालचाली केल्या आणि 72 वर्षीय आरोपी कुतबुद्दीन अली महंमद याला अटक केली. पोलिसांनी आरोपीविरुद्ध भारतीय न्याय संहिता आणि पोक्सो कायद्याच्या विविध कलमान्वये गुन्हा दाखल केला आहे. सध्या पोलीस उपनिरीक्षक निंबाळकर या प्रकरणाचा सखोल तपास करत आहेत. या घटनेमुळे परिसरात तीव्र संताप व्यक्त केला जात असून लहान मुलांच्या सुरक्षिततेबाबत पालकांमध्ये चिंतेचे वातावरण निर्माण झाले आहे.
