सोलापूर: सोलापूर (Solapur News) शहरात घडलेल्या दुर्दैवी घटनेमुळे सर्वत्र हळहळ व्यक्त होत आहे. विजापूर नाका पोलीस ठाण्याच्या हद्दीत एका हुशार तरुण वकिलाने राहत्या घरी अचानक गळफास घेऊन आपले आयुष्य संपवले. सागर श्रीकांत मंद्रूपकर असे तरुण वकिलाचे नाव आहे. सागर मंद्रूपकर यांनी आत्महत्येपूर्वी दोन पानांची चिठ्ठी लिहून होती.
या चिठ्ठीत त्याने आत्महत्येसाठी आई जबाबदार असल्याचे म्हंटले आहे. सागरने सांगितले कि, आईकडून होणाऱ्या दुजाभावाला कंटाळून आत्महत्या केल्याचे सुसाईड नोटमध्ये म्हंटले आहे. सर्वात धक्कादायक बाब म्हणजे, “माझ्या मृत्यूनंतर आईला कडक शिक्षा द्या,” असे वकिलाने चिठ्ठीत लिहिले आहे.
पोलिसांनी केलेल्या प्राथमिक तपासानुसार, वकिलाचे आणि त्याच्या आईचे भांडण झाले होते. सागरचे वडील सरकारी नोकरदार असून, बहीण विवाहित आहे. घटनेची माहिती मिळताच पोलिसांनी मृतदेह ताब्यात घेऊन पंचनामा केला असून पुढील तपास सुरु आहे. तरुण वकिलाने जन्मदात्या आईवरच गंभीर आरोप करून जीवन संपवल्याने परिसरात अनेकांना धक्का बसला आहे.
