पुणे: राज्यात अखेर (Pune Election) महानगरपालिकांच्या (Pune Voters List Online) निवडणुका जाहीर करण्यात आल्या आहेत. राज्यातील (Matadhikar App) एकूण 29 महानगरपालिकांसाठी येत्या 15 जानेवारी रोजी मतदान (Pune News) होणार असून 16 जानेवारी रोजी निकाल जाहीर केला जाणार आहे. या निवडणुकांमध्ये राज्यभरातील सुमारे 3 कोटी 48 लाख मतदार मतदानाचा हक्क बजावणार आहेत. स्थानिक स्वराज्य संस्थांच्या दृष्टीने या निवडणुका अत्यंत महत्त्वाच्या मानल्या जात असून सर्व राजकीय पक्षांनी तयारीला वेग दिला आहे. (Pune Mahapalika Elections)
यंदाच्या निवडणुकीसाठी निवडणूक आयोगाने मतदारांच्या सोयीसाठी एक महत्त्वाचे पाऊल उचलले आहे. आयोगाने ‘मताधिकार’ नावाचे विशेष मोबाईल अॅप लाँच केले असून या अॅपच्या माध्यमातून मतदारांना निवडणुकीशी संबंधित विविध माहिती घरबसल्या मिळणार आहे. त्यामुळे मतदारांना आता यादी तपासण्यासाठी किंवा माहिती मिळवण्यासाठी शासकीय कार्यालयांच्या फेऱ्या माराव्या लागणार नाहीत. (PCMC News)
मतदार यादीत आपले नाव आहे की नाही हे तपासण्यासाठी सर्वप्रथम गुगल प्ले स्टोअरवरून ‘मताधिकार’ अॅप डाऊनलोड करावे लागणार आहे. अॅप उघडल्यानंतर Voter List Search या पर्यायावर क्लिक करायचे आहे. त्यानंतर मतदार आपले पूर्ण नाव टाकून किंवा ओळखपत्र क्रमांक म्हणजेच EPIC नंबर टाकून माहिती मिळवू शकतात. नावाने शोध घेताना संबंधित जिल्हा आणि महानगरपालिका निवडणे आवश्यक आहे. EPIC नंबर टाकल्यास काही क्षणातच मतदाराची संपूर्ण माहिती स्क्रीनवर उपलब्ध होते. (Voters App)
या अॅपच्या माध्यमातून मतदार आपले नाव मतदार यादीत आहे की नाही हे तपासू शकतात. तसेच आपले मतदान केंद्र नेमके कुठे आहे, कोणत्या प्रभागात मतदान करायचे आहे आणि त्या प्रभागातील उमेदवार कोण आहेत, याची माहितीही अॅपवर मिळणार आहे. त्यामुळे मतदारांना मतदानाच्या दिवशी कोणतीही अडचण येणार नाही, असा विश्वास निवडणूक आयोगाने व्यक्त केला आहे.
महानगरपालिका निवडणुकांमध्ये मतदानाची टक्केवारी वाढावी, यासाठी मतदारांनी या सुविधेचा जास्तीत जास्त वापर करावा, असे आवाहन निवडणूक आयोगाकडून करण्यात आले आहे.
