नाशिक: नाशिक जिल्ह्यातील वाडीवऱ्हे परिसरात (Crime News) सारूळच्या जंगलात आढळलेल्या एका तरुणीच्या खुनाचा उलगडा पोलिसांनी काही तासांत केला आहे. या प्रकरणाने (Nahik News) केवळ नाशिकच नव्हे, तर बुलढाणा जिल्ह्यातही खळबळ उडवली आहे. मृत तरुणी आणि आरोपी दोघेही बुलढाणा येथील असल्याचे तपासात स्पष्ट झाले आहे. (Latest Marathi News)
शुक्रवारी जंगलात रक्ताच्या थारोळ्यात पडलेला तरुणीचा मृतदेह सापडला. तिच्या गळ्यात चाकू खुपसलेला होता. सुरुवातीला घटनास्थळी कोणताही ठोस पुरावा नव्हता. मात्र मृतदेहाजवळ सापडलेली एक चावी आणि त्याला लावलेले “संस्कृती” नावाचे की-चेन तपासाला दिशा देणारे ठरले. या धाग्यावरून राज्यभर बेपत्ता मुलींची माहिती तपासण्यात आली आणि बुलढाण्यातील संस्कृती सतीश काळे बेपत्ता असल्याचे समोर आले. तिच्या कुटुंबीयांनी ओळख पटवल्यानंतर तपासाची कडी जुळू लागली.
संस्कृतीच्या ओळखीतील अथर्व देशमुख याच्यावर संशय गेला. त्याचा माग काढत पोलिसांनी त्याला ताब्यात घेतले. चौकशीत त्याने खुनाची कबुली दिली. संस्कृती आणि अथर्व यांच्यात प्रेमसंबंध होते. मात्र तिला दुसऱ्या मुलासोबत बोलताना पाहिल्यानंतर संतापाच्या भरात त्याने तिचा खून केल्याचे उघड झाले. बुलढाण्यातून कारने फिरायला नेण्याच्या बहाण्याने तो तिला घेऊन गेला आणि वादाच्या दरम्यान गाडीतच चाकूने वार केले. पुरावा लपवण्यासाठी मृतदेह नाशिकमध्ये आणून जंगलात टाकण्यात आला. यासंदर्भातील अधिक पोलीस तपास सुरु आहे.
