जालना: जालना जिल्ह्यातल्या बदनापूर तालुक्यामधून एक (Jalna Crime) अतिशय धक्कादायक आणि (Jalna News) नात्याला काळीमा फासणारी घटना समोर आली आहे. लहान दिरासोबत अनैतिक संबंधात अडथळा ठरणाऱ्या नवऱ्याला एका महिलेने आणि दिराने अतिशय निर्घृणपणे खून करून संपवलं आहे. जालना जिल्ह्यातल्या सोमठाणा गावामध्ये ही भयंकर घटना घडली आहे. (Latest Crime News)
अधिक माहितीनुसार, गुरुवारी सकाळी बदनापूर पोलीस ठाण्याच्या हद्दीत निकळज शिवारातील वाला-सोमठाणा तलावामध्ये एका अनोळख्या व्यक्तीचा मृतदेह हा पाण्यावर तरंगताना दिसून आला. मृतदेह मुरघासच्या प्लास्टिकच्या पोत्यात भरलेला होता आणि मृतदेह तरंगून वर येऊ नये म्हणून पोत्याला मोठा दगड बांधून ठेवलेला होता.
घटनेची माहिती मिळताच बदनापूर पोलिसांनी तातडीने घटनास्थळी धाव घेऊन तपास सुरू केला. हा मृतदेह सोमठाणा गावातील परमेश्वर राम तायडे यांचा असल्याचे तपासातनं निष्पन्न झालं परमेश्वर तायडे यांचे वडील राम नाथा तायडे यांच्या तक्रारीवरून बदनापूर पोलीस ठाण्यामध्ये खुनाचा गुन्हा दाखल करण्यात आला आणि पोलिसांनी तपास वेगाने सुरू केला.
पोलिसांनी मयताचा भाऊ ज्ञानेश्वर राम तायडे आणि पत्नी मनीषा परमेश्वर तायडे यांना विचारपूस केली. मात्र त्यांच्याकडून उडवाउडवीची उत्तरं मिळाल्यामुळे पोलिसांना त्यांच्यावर संशया आला. पोलिसांनी अधिक माहितीसाठी दोघांनाही ताब्यात घेऊन कसून चौकशी सुरू केली. त्यावेळी सत्य बाहेर आलं. मनीषा वय (28) आणि तिचा दीर ईश्वर वय (25) या दोघांमध्येही बऱ्याच दिवसांपासून अनैतिक संबंध होते.
या दोघांच्या प्रेम संबंधांमध्ये परमेश्वर अडथळा ठरत होता. त्यामुळे मनीषा आणि ज्ञानेश्वर या दोघांनीही परमेश्वरला संपवण्याचा प्लॅन बनवला. मध्यरात्री दोघांनीही कुऱ्हाडीने परमेश्वरच्या तोंडावर आणि डोक्यावर जोरदार वार केले. त्यामुळे त्याचा जागीच मृत्यू झाल. मृत्यूनंतर पुरावा नष्ट करण्यासाठी त्यांनी मृतदेह मुरघासच्या प्लास्टिकच्या पोत्यामध्ये भरला आणि पोत्याचं तोंड दोरीने घट्ट बांधलं. पोतं तरंगत वर येऊ नये म्हणून पोत्याला दगड बांधला आणि मृतदेह निकळज शिवारातील वाला-सोमठाणा तलावामध्ये फेकून दिला. गुन्ह्याची कबुली दोघांनीही दिल्यानंतर पोलिसांनी पत्नी मनीषा परमेश्वर तायडे आणि दीर ज्ञानेश्वर राम तायडे या दोघांनाही अटक केली आहे. परिसरामध्ये या भयानक घटनेने खळबळ उडाली आहे.
